Ynglŷn â'r rôl

Rydym yn buddsoddi yn ein Gwasanaeth Caffael, gan symud i Wasanaeth Rheolwr Categori Caffael ac rydym yn awyddus i recriwtio Rheolwr Categori Caffael i ymuno â’n tîm i cefnogi caffael gwasanaethau corfforaethol a TGaCh.

Mae’n bosibl y bydd y swydd ar gael fel Rheolwr Categori dan Hyfforddai ar gyfer ymgeiswyr heb gymwysterau CIPS.

O ddydd i ddydd, bydd y Rheolwr Categori Caffael:

• yn arwain, yn cyfarwyddo ac yn cydlynu gweithgarwch cyrchu ac yn sicrhau rheolaeth effeithiol ar gytundebau a chysylltiadau cyflenwyr i sicrhau’r gwerth mwyaf am arian a chyflawni arbedion wedi’u targedu o fewn y categori/is-gategorïau penodedig, sy’n cynnwys (ond heb fod yn gyfyngedig i):
  • cynhyrchion glanhau, cyflenwadau swyddfa, Cyfarpar Diogelu Personol, teithio, ynni, cyfieithu ac ati a cefnogi timau gwasanaeth mewn Cyfreithiol a Llywodraethu, Cyllid a Chaffael, Gwasanaethau Democrataidd, Polisi a Pherfformiad, Cyswllt Cwsmeriaid a TGCh.
• cael cyfrifoldeb rheolwr llinell uniongyrchol ar gyfer Swyddog Caffael.

Mae’r swydd yn allweddol wrth sicrhau y darperir gwasanaeth caffael effeithiol ac effeithlon i’r Cyngor.

Rydym am recriwtio unigolion gyda:

• gwybodaeth a phrofiad ymarferol o brosesau caffael, rheoliadau, polisïau a rheolau gweithdrefnau contract
• gallu i ddatblygu a chynnal perthnasoedd â chyflenwyr allweddol a rhanddeiliaid mewnol ac allanol
• parodrwydd i ymgymryd â heriau newydd a gweithio’n hyblyg ac yn rhagweithiol fel rhan o dîm.

Rydym yn croesawu ceisiadau gan y di-Gymraeg. Bydd pob ymgeisydd llwyddiannus sydd angen cymorth i ddysgu/gwella eu sgiliau iaith Gymraeg yn cael cynnig gwersi wedi’u hariannu, yn ystod amser gwaith, i helpu i gyrraedd y safon a ddymunir.

Ein cynnig i chi

Rydym wedi ymrwymo i ddatblygu ein pobl a byddwn nid yn unig yn darparu cymorth i’ch galluogi i gymryd perchnogaeth o feysydd cyfrifoldeb allweddol y rôl hon yn gyflym ac yn hyderus ond yn ogystal, rydym wedi ymrwymo i gefnogi eich datblygiad er mwyn i chi allu bwrw ymlaen â’ch gyrfa gyda ni.

Yn gyfnewid am eich sgiliau a’ch ymrwymiad byddwn yn cynnig ystod o fuddion i chi, gan gynnwys gweithio hyblyg, lwfans gwyliau blynyddol cystadleuol, cynllun pensiwn gyda chyfraniad cyflogwr o 14.6%, buddion teulu, arbedion ffordd o fyw a phecynnau iechyd a lles.

Gellir cael mwy o wybodaeth am ein hystod eang o fuddion gweithwyr yma. 

Credwn fod cydbwysedd bywyd a gwaith yn holl bwysig. I’ch cefnogi i gyflawni hyn, bydd gennych fynediad at y buddion dewisol canlynol:

• Gweithio Hybrid: Yn amodol ar fodloni rhai amodau, gallwch ddewis gweithio o’ch cartref neu mewn swyddfa, bydd angen presenoldeb yn y swyddfa o bryd i’w gilydd.
• Amser-fflecsi: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth.

Disgrifiad Swydd a Manyleb Person (Hyfforddai)

Disgrifiad Swydd a Manyleb Person

Cysylltwch â ni

Am wybodaeth pellach a thrafodaeth anffurfiol ynglŷn â’r swydd hon cysylltwch â Jeanette Jones jeanette.jones2@ceredigion.gov.uk neu George Ryley george.ryley2@ceredigion.gov.uk

Noder: Cedwir yr hawl i ymestyn y dyddiad cau.