Ynglŷn â'r rôl

Rydym am recriwtio unigolyn brwdfrydig ac uchel ei gymhelliant i ymuno â Thîm Gorfodaeth Cynllunio newydd y Cyngor yn barhaol, llawn amser.

Wrth ffurfio rhan o’r Gwasanaeth Rheoli Datblygu, sy’n delio â dyletswyddau a gofynion statudol o dan y Deddfau Cynllunio Gwlad a Thref a deddfwriaeth gysylltiedig arall, byddai deiliad y swydd yn chwarae rôl allweddol wrth fonitro a rheoleiddio datblygiadau ar draws y sir.

Mae hwn yn gyfnod arbennig o gyffrous i ymuno â’r Gwasanaeth gan ein bod wrthi’n tyfu’r tîm gorfodaeth cynllunio ar hyn o bryd fel y gallwn ddelio’n well ag achosion o dorri rheolaeth gynllunio ledled y Sir, felly beth am ymuno â ni fel rhan o’r bennod newydd hon?

O ddydd i ddydd, byddwch yn:

• helpu i ddarparu gwasanaeth gorfodi effeithiol, effeithlon, ymatebol ac o ansawdd uchel
• ymgymryd ag ymchwiliad effeithlon ac effeithiol i achosion o dorri rheolaeth gynllunio yn y Sir (gan arbenigo mewn achosion proffil uchel, heriol a / neu gymhleth) a defnyddio ymyriadau gorfodi priodol yn ôl yr angen a;
• rhoi arweiniad a chymorth i’r Swyddogion Gorfodaeth Cynllunio, Cynorthwywyr Gorfodaeth Cynllunio a hefyd i’r Gwasanaeth Rheoli Datblygu ehangach, bob dydd

Efallai y bydd cyfle hefyd i ddeiliad y swydd ymdrin ag ymholiadau cyn ymgeisio a cheisiadau cynllunio sy’n deillio o achosion gorfodi, er y byddai’r rhan fwyaf o lwyth achosion deiliad y swydd yn cynnwys ymchwiliadau gorfodaeth cynllunio.

Rydym am recriwtio unigolyn:

• gyda gradd neu gyfwerth mewn Cynllunio Gwlad a Thref (neu ddisgyblaeth gysylltiedig) ac sy’n meddu ar wybodaeth a phrofiad manwl o gynllunio neu orfodi’r gyfraith
• gyda’r gallu i gynnig arweiniad, cymorth a chyngor arbenigol i aelodau eraill o’r tîm
• gyda’r gallu i gyfathrebu’n ddiduedd, yn broffesiynol ac yn effeithiol gydag ystod eang o bobl ar wahanol lefelau
• gyda’r gallu i weithio gyda goruchwyliaeth gyfyngedig ac i weithio yn ôl dyddiadau cau tynn
• gyda’r gallu i reoli eu llwyth achosion eu hunain o ymchwiliadau gorfodi yn effeithiol; a
• gydag ymrwymiad cryf i roi gwasanaeth o ansawdd uchel i’r cyhoedd ac ymrwymiad cryf i foddhad cwsmeriaid

Mae’r swydd yn gofyn am rywfaint o ruglder yn y Gymraeg. Noder y bydd ymgeisydd llwyddiannus heb y sgiliau Cymraeg angenrheidiol yn cael ei gefnogi’n llawn i gyrraedd y safon ofynnol o fewn dwy flynedd i’w benodi.

Credwn fod cydbwysedd bywyd a gwaith yn holl bwysig. I’ch cefnogi i gyflawni hyn, bydd gennych fynediad at y buddion dewisol canlynol:

• Gweithio Hybrid: Yn amodol ar fodloni rhai amodau, gallwch ddewis gweithio o’ch cartref neu mewn swyddfa.
• Amser-fflecsi: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth.

Efallai y dewch chi hefyd o hyd i fwy o wybodaeth ddefnyddiol ar ein gwefan gyrfaoedd. Yma fe gewch chi fanylion mewn perthynas â’r hyn y gallwn ei gynnig a pha fath o ffordd o fyw y gallwch ei ddisgwyl. Yn wir, mae Ceredigion yn cael ei chydnabod fel un o’r lleoedd mwyaf diogel i fyw a gweithio, gyda diwylliant bywiog, ysgolion ardderchog ac arfordiroedd hardd a chefn gwlad tonnog.

Disgrifiad Swydd a Manyleb Person

Y Gwasanaeth Cynllunio

Am drafodaeth anffurfiol, cysylltwch â Catrin Newbold (Rheolwr Gwasanaeth – Rheoli Datblygu) ar Ffôn: (01545) 572131.

Noder: Cedwir yr hawl i ymestyn y dyddiad cau.