About the role

The following advert is for a relief catering assistant where the ability to communicate through the medium of Welsh and English is essential.

Mae Llywodraethwyr Ysgol Bro Teifi yn awyddus i benodi cynorthwyydd arlwyo wrth gefn i weithio yng nghegin yr ysgol.  Bydd yr ymgeisydd llwyddiannus yn gweithio fel rhan o dîm arlwyo llwyddiannus iawn sy’n darparu bwyd o safon uchel i ddisgyblion a staff.

Gan taw cytundeb achlysurol yw hwn, prif swyddogaeth y swydd hon fydd cyflenwi pan fydd aelodau staff eraill yn absennol a chyflenwi dros gyfnodau prysur. Felly bydd yr oriau gwaith yn amrywiol ac yn anodd i’w rhagweld. Nid oes oriau penodol ar gyfer pob wythnos a chynigir y swydd “yn ôl y galw”.

Bydd yr ymgeisydd llwyddiannus yn:

• Cyflawni tasgau arlwyo bwyd, gan gynnwys paratoi diodydd, llysiau a bwydydd eraill.
• Dyletswyddau cyffredinol, gan gynnwys golchi offer a llestri a glanhau’r holl ardaloedd a’r mannau o’u hamgylch
• Gweini prydau, gosod a chlirio byrddau yn ôl yr angen
• Ar brydiau, pan fo’r Goruchwyliwr/Cogydd i ffwrdd, ymgymryd â thasgau elfennol o ran coginio bwyd a hynny o dan arolygaeth
• Cydweithio a chyfathrebu gyda staff eraill yr ysgol, y disgyblion, a’r cyhoedd er mwyn hybu hinsawdd ysgol gadarnhaol
• Meddu ar dystysgrif Hylendid Bwyd Sylfaenol (neu fod yn fodlon gweithio tuag ato).

Agorwyd Ysgol Bro Teifi ym Medi 2016, yn dilyn buddsoddiad o £30m gan Gyngor Sir Ceredigion a Llywodraeth Cymru. Bro Teifi ydy’r ysgol pob-oed, cyfrwng Cymraeg cyntaf yng Nghymru ac mae’n cynnig cyfleusterau dysgu o’r radd flaenaf ar gyfer yr holl ddisgyblion, o’r lleiaf i’r hynaf. Mewn arolwg Estyn (Chwefror 2019) nodwyd fod ‘Ysgol Bro Teifi yn gymuned gynhwysol iawn, hynod ofalgar a Chymreig. Yn greiddiol i’w gwaith mae ei darpariaeth arbennig ar gyfer gofal, cymorth ac arweiniad sy’n cydweddu ag arwyddair yr ysgol, oni heuir ni fedir.’ Ers iddi agor mae nifer y disgyblion wedi cynyddu’n sylweddol ac ar hyn o bryd, mae 921 o ddisgyblion yn yr ysgol gyda 341 o oedran cynradd a 553 o oedran uwchradd, gyda 101 o’r rhain yn y chweched dosbarth.

Mae’r gallu i weithio trwy gyfrwng y Gymraeg yn hanfodol ar gyfer y swydd.

Os am drafodaeth anffurfiol ynglŷn â’r swydd hon, cysylltwch â Swyddog Arlwyo’r ysgol, Mrs Afryl Puetz ar 01559 362503 neu drwy e-bost, PuetzA5@broteifi.ceredigion.sch.uk.

Disgrifiad Swydd a Manyleb Person

Noder: Cedwir yr hawl i estyn dyddiad cau.

Mae diogelu ac amddiffyn plant a phobl ifanc yn flaenoriaethau allweddol i ni. Ein nod yw cefnogi plant, pobl ifanc a’r rhai sydd mewn perygl i sicrhau eu bod mor ddiogel ag y gallant fod. Rydym yn cydnabod bod gan blant, pobl ifanc a’r rhai sydd mewn perygl hawl i gael eu a byddwn yn cymryd camau i ddiogelu’u lles. Disgwylir i bob aelod o staff a gwirfoddolwr rannu’r ymrwymiad hwn, a bydd angen Gwiriad Gwell gan y Gwasanaeth Datgelu a Gwahardd (DBS), CRB gynt.