About the role

The following is an advert for a Deputy Headteacher where the ability to converse through the medium of Welsh and English is essential.

Hysbyseb am Ddirprwy Bennaeth i Ysgol Gynradd Gymunedol T Llew Jones, ac mae’n ofynnol i fod yn rhugl yn y Gymraeg a’r Saesneg, yn ysgrifenedig ac ar lafar, ar gyfer y swydd.

Yn eisiau o Fedi y 1af 2026 – Swydd Dros Dro yn dilyn secondiad y Dirprwy presennol.

Mae llywodraethwyr Ysgol Gynradd Gymunedol T Llew Jones  yn awyddus i benodi Dirprwy Bennaeth (dros dro) ymroddedig ac ysbrydoledig a fydd yn darparu cefnogaeth a chymorth i’r Pennaeth  ac yn cynorthwyo i reoli’r ysgol yn effeithiol ac yn effeithlon. Fe fydd yr ymgeisydd llwyddiannus yn dysgu yn llawn amser.

Fe fydd yr unigolyn yn : 

• dylanwadu ar gydweithwyr trwy osod esiampl fel model rôl drefnus a chydwybodol;
• barod i weithio fel rhan o uwch dim rheoli cadarn;
• hyrwyddo safonau cyflawniad uchel i bawb;
• ymgynghori a chynnig cyngor adeiladol i’r Pennaeth mewn meysydd a fyddai’n fanteisiol i’r ysgol;
• cysylltu â staff, disgyblion a rhieni i annog ethos gwaith effeithiol;
• bod yn gymwys i ddirprwyo ar ran y Pennaeth mewn sefyllfaoedd sy’n codi oherwydd absenoldebau tymor byr a thymor hir;
• arwain ar faes dysgu a phrofiad syn bwydo cynllun datblygu’r ysgol.

Bydd gan yr ymgeisydd llwyddiannus y nodweddion canlynol:

• gweledigaeth a rennir ar gyfer datblygu’r ysgol hon sydd wedi ei hen sefydlu ac sy’n rhoi lle canolog i’r gymuned;
• dealltwriaeth o arferion dysgu effeithiol ac ymrwymiad cryf i barhau i’w datblygu drwy’r ysgol gyfan;
• medrau cadarn o ran cyfathrebu, ymwneud ag eraill, rheoli a threfnu;
• gwybodaeth gadarn am ddatblygiadau ac arferion addysgol cyfredol;
• ymrwymiad i ddatblygiad proffesiynol parhaus ac i adeiladu tîm;
• ymrwymiad cryf i gyfoethogi’r cysylltiadau gyda’r Llywodraethwyr, y gymuned leol, ysgolion lleol.

Mae’r swydd hon yn rhoi cyfle euraidd i unigolyn i weithio mewn Ysgol Ardal lwyddiannus mewn ardal godidog o Orllewin Cymru. Gan rhoi cyfle a phrofiad i unigolyn brwdfrydig syn awyddus i ddatblygu ei sgiliau arweiniol dros cyfnod secondiad y Dirprwy presennol.

Cyfweliadau: 16/6/2026

Disgrifiad Swydd a Manyleb Person

Mae croeso cynnes i chi gysylltu gyda’r Pennaeth Rhian Lloyd i drafod ymhellach ar y rhif ffôn canlynol 01239 654553.

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.