About the role

The following is for an advert for a position where the ability to converse through the medium of English and Welsh is essential.

Mae Llywodraethwyr Ysgol Gynradd Llanarth yn awyddus i benodi unigolyn brwdfrydig, ymroddgar, gofalgar ac ysbrydoledig i swydd athro/athrawes i ddysgu 2 ddiwrnod yn yr ysgol dros gyfnod mamolaeth.

Gwahoddir ceisiadau oddi wrth athrawon blaengar a brwdfrydig sydd â dealltwriaeth a phrofiad addas o addysgu disgyblion oed cymysg. Rydym yn chwilio am unigolyn sy’n dangos ymrwymiad cryf i ddarparu addysg o’r safon uchaf, gan roi anghenion, lles a datblygiad pob plentyn wrth galon y gwaith. Mae’r Ysgol yn chwilio am geisiadau gan athrawon i ddysgu blynyddoedd 3 a 4.

Fel ymarferydd proffesiynol, bydd gennych wybodaeth a dealltwriaeth gref o egwyddorion Cwricwlwm i Gymru, a’r gallu i arwain ar feysydd penodol o’r cwricwlwm. Mae’r llywodraethwyr yn chwilio am unigolyn sydd â phrofiad helaeth o’r Celfyddydau Mynegianol. Bydd disgwyl iddo/iddi gynllunio a darparu profiadau dysgu cyfoethog, perthnasol a chynhwysol sy’n hyrwyddo cynnydd parhaus ac yn cefnogi datblygiad y pedwar diben. Byddai’r gallu a’r brwdfrydedd i gyfrannu at weithgareddau allgyrsiol yn fanteisiol.

Yn Ysgol Llanarth cewch gyfle i weithio gyda phlant ymroddgar a charedig, cymuned gefnogol a thîm o staff cydwybodol sydd yn rhoi blaenoriaeth glir ar les disgyblion a chynnal safonau uchel. Mae’r llywodraethwyr a’r Ysgol yn darparu cyfleoedd datblygu proffesiynol gwerthfawr i’r staff, ac yn awyddus parhau i ddatblygu arweinwyr y dyfodol.

Ymunwch â’n tîm addysgol uchelgeisiol a charedig, lle mae pob athro yn cael y gefnogaeth i dyfu’n broffesiynol ac i greu effaith go iawn ar fywydau myfyrwyr. Rydym yn cynnig amgylchedd ysbrydoledig, adnoddau modern, a phrosesau hyblyg sy’n cefnogi arloesedd yn y dosbarth. Os ydych chi’n angerddol dros addysg a lles myfyrwyr, yn barod i wneud gwahaniaeth gwirioneddol i fywydau plant ac eisiau gweithio mewn ysgol sy’n gwerthfawrogi cydweithredu a chynnydd personol, byddwch yn teimlo’n gartrefol gyda ni.

Mae hwn yn hysbyseb ar gyfer swydd Athro/Athrawes yn Ysgol Gynradd Llanarth, lle mae rhuglder llafar ac ysgrifenedig yn y Gymraeg a’r Saesneg yn hanfodol.

Disgrifiad Swydd a Manyleb Person

Os hoffech drefnu ymweliad â’r ysgol neu sgwrs anffurfiol cysylltwch â’r Pennaeth Manon Lewis-Wright ar lewism245@hwbcymru.net neu 01545580343.

Dyddiad cyfweliad: Dydd Iau, 9fed o Orffennaf, 2026.

Fel rhan o’r cyfweliad byddwn yn gofyn i’r ymgeiswyr i baratoi gwers fer o 30 munud ar ffocws llythrennedd (Thema: Gwreiddiau a Gorwelion).

Dyddiad dechrau: 1af o Hydref (neu cyn gynted â phosibl).

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.