Rydym yn falch o’r ddarpariaeth addysg o safon uchel a ddarperir yn ein hysgolion. Mae gennym 39 ysgol gynradd, 4 ysgol gyfun, un ysgol 3-16 a 2 ysgol 3-19. Mae ein hysgolion yn cynnig ystod o gyfleoedd sy’n amrywio o swyddi staff cynorthwyol, addysgu a swyddi arweinyddol.

Er mwyn adeiladu ar y safonau rhagorol yn ein hysgolion mae angen pobl eithriadol arnom i feithrin ac ysbrydoli ein disgyblion i gyflawni eu huchelgeisiau. Os hoffech chi wneud gwahaniaeth cadarnhaol a chael effaith wirioneddol ar fywydau ein disgyblion, yna addysg yw’r yrfa i chi, a hoffem glywed gennych.

Athro newydd?

Os ydych yn athro newydd sydd am gychwyn eich cyfnod sefydlu fel athro newydd gymhwyso yma yng Nghymru beth am ddod i Geredigion i addysgu mewn un o’n ysgolion? Cewch y cyfleoedd a’r her i fod yr athro gorau y gallech fod. Ysgolion lle gallwch ysbrydoli, creu cyfleoedd ac arwain y disgyblion yr ydych yn addysgu tuag at wir lwyddiant. Fe fydd y cymorth a’r arweiniad mewn ysgolion ynghyd a’r cyfleoedd datblygiad proffesiynol sydd ar gael i athrawon Ceredigion yn eich cefnogi i wireddu hyn.

Mae egwyddorion Cwricwlwm i Gymru yn reiddiol i fywyd nod pob ysgol ym yng Ngheredigion. Wrth gydweithio mewn partneriaethau gyda disgyblion, rhieni, athrawon a staff ysgolion a’r awdurdod lleol rydym yn sicrhau fod y pedwar diben yn cael eu hyrwyddo ym mhob agwedd o fywyd ysgolion y Sir.

Wrth weithio yn agos gyda partneriaethau addysg gynnar athrawon rydym yn sicrhau fod y broses trosglwyddo o fod yn athro o dan hyfforddiant i fod yn athro newydd gymhwyso yn un cefnogol, effeithiol sydd yn cynnig profiadau gwerthfawr ac addysgiadol i bawb.