Mae ein staff clerigol a gweinyddol yn darparu cymorth gwerthfawr ledled ein swyddfeydd. Maent yn helpu i sicrhau bod olwynion y Cyngor yn parhau i droi gyda’u sgiliau trefnu, eu sgiliau cyfathrebu a’u sgiliau TG rhagorol.

Mae sawl swydd clerigol a gweinyddol yn y Cyngor sy’n cynnig digon o gyfleoedd dyrchafu i’r rhai sy’n awyddus i ddringo’r ysgol. Bydd ein cyfleoedd dysgu a datblygu rhagorol yn eich helpu i gyflawni eich nodau.

Os hoffech ddechrau gyrfa yn y maes hwn ond nid oes gennych y sgiliau na’r profiad i wneud hynny ar hyn o bryd, cymerwch olwg ar ein tudalennau gyrfaoedd cynnar i weld sut y gallwn eich helpu i ddechrau arni.