Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Ydych chi’n angerddol am addysg, arloesi digidol a gweithio gyda phlant a staff ysgolion ledled Cymru? Mae e‑sgol yn chwilio am unigolyn brwdfrydig, trefnus ac ymrwymedig i ymuno â’n tîm wrth i ni ehangu ein darpariaeth i ysgolion ar draws y wlad.

Prif Gyfrifoldebau:

• Cynorthwyo i ehangu prosiect e-sgol yn genedlaethol o fewn y sector cynradd a’r sector uwchradd
• Cydweithio’n agos ag Awdurdodau Lleol, Penaethiaid ac Athrawon ysgolion yn ogystal â rhanddeiliaid allweddol amrywiol gan adeiladu perthnasoedd cadarn a chydweithredol
• Cefnogi a chyflwyno mentrau digidol newydd ac arloesol gan chwarae rhan weithredol yn natblygiad addysg ddigidol yng Nghymru
• Cynllunio, datblygu a chyflwyno sesiynau addysgiadol rhyngweithiol ar lwyfannau digidol gan sicrhau bod y cynnwys yn addas i gynulleidfaoedd amrywiol ac yn cyflawni amcanion dysgu clir
• Ymateb i gyfleoedd newydd i ddatblygu model e sgol ymhellach gan sicrhau bod datrysiadau’n cyd-fynd â gofynion Cwricwlwm i Gymru
• Cyfrannu at weledigaeth e-sgol i gynyddu mynediad at addysgu o ansawdd uchel, waeth beth fo lleoliad ysgol neu adnoddau staffio.

Rydym yn chwilio am unigolyn sydd â:

• Dealltwriaeth gadarn o addysg yng Nghymru ac egwyddorion Cwricwlwm i Gymru
• Sgiliau cyfathrebu rhagorol a’r gallu i weithio gyda phartneriaid amrywiol
• Agwedd bositif, hyblyg a pharodrwydd i ddatrys problemau yn greadigol
• Diddordeb gwirioneddol mewn technoleg addysgol ac arloesi digidol.

Disgrifiad Swydd a Manyleb Person

Pecyn Gwybodaeth Tîm Ceredigion

Am ragor o wybodaeth neu sgwrs anffurfiol, cysylltwch gydag Arweinydd Cynradd e-sgol, Huw Davies: huw.davies@e-sgol.cymru

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.