Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Mae Canolfan Bwyd Cymru yn chwilio am unigolion brwdfrydig, hyblyg a chryf eu cymhelliant i ymuno â’n tîm a’I gryfhau, gan gynnig gwasanaeth rhagorol er mwyn hwyluso twf ar draws y sector bwyd a diod.

Rydym wedi creu sawl swydd newydd ar draws ein disgyblaethau datblygu busnes a thechnoleg bwyd i ddatblygu ein hamrediad o gymorth ar draws y gadwyn gyflenwi bwyd-amaeth ymhellach.

Rydym yn chwilio am unigolion i fod yn rhan o’r tîm, gan gynnig gweithgareddau trosglwyddo gwybodaeth ymarferol, adeiladol a gwerthfawr wedi’u gweithredu ar draws yr holl agweddau ar ddisgyblaethau gweithredol a thechnegol bwyd a diod.

Mae cyfleoedd i bobl ar bob lefel o ran gallu a phrofiad, a chynigir y cyfle i unigolion weithio mewn amgylchedd arloesol a chydweithredol, sy’n canolbwyntio ar sicrhau twf. Byddwch yn ymwneud ag ystod amrywiol o brosiectau ysbrydoledig ac yn cael cyfleoedd lluosog i ymgymryd â datblygiad personol gwerthfawr. 

Rydym yn dymuno recriwtio Technolegydd Bwyd cymwys i gynnig cyngor a chymorth technegol i gleientiaid – unigolion, cwmnïau a sefydliadau. Mae profiad ymarferol o’r sector cynhyrchu bwyd a diod yn hanfodol, ynghyd â dealltwriaeth gynhwysfawr o HACCP, prosesau NPD, deddfwriaeth ac egwyddorion diogelwch bwyd.

Dylai fod gennych y gallu i weithredu dull gweithredu ymarferol ac arloesol wrth ddatrys problemau a’r sgiliau I ddehongli a chyfleu gwybodaeth gymhleth.

Disgrifiad Swydd a Manyleb y Person

Pecyn Gwybodaeth Tîm Ceredigion

Yn gyfnewid am eich sgiliau a’ch ymrwymiad byddwn yn cynnig ystod o fuddion i chi, gan gynnwys gweithio hyblyg, lwfans gwyliau blynyddol cystadleuol, cynllun pensiwn gyda chyfraniad cyflogwr o 14.6%, buddion teulu, arbedion ffordd o fyw a phecynnau iechyd a lles.

Am fwy o wybodaeth, cysylltwch â: Gina.Davies@ceredigion.gov.uk

Noder: Cedwir yr hawl i ymestyn y dyddiad cau.