Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Ymunwch â Thîm Dysgu a Datblygu prysur i’n helpu i sicrhau bod gan ein gweithlu gwaith cymdeithasol a gofal cymdeithasol y sgiliau a’r wybodaeth gywir i ddarparu gwasanaethau rhagorol i ddinasyddion Ceredigion.

I’r person iawn, sydd â’r sgiliau cywir, ystyrir Gweithio Hybrid/Gweithio Rhan-amser/Rhannu Swydd. Rydym yn barod i fod yn hyblyg a chynllunio ein hyfforddiant ar-lein ac wyneb yn wyneb mewn ffordd sy’n gweithio i ni ac i chi.

Gan ddefnyddio eich sgiliau a’ch profiad fel gweithiwr cymdeithasol cymwys a chofrestredig, byddwch yn datblygu ac yn cyflwyno hyfforddiant i staff y Cyngor a’r gweithlu gofal cymdeithasol allanol. Yn ogystal, byddwch yn chwarae rhan allweddol wrth gefnogi a chydlynu ein Cynllun Gwaith Cymdeithasol dan Hyfforddiant.

Mae hon yn swydd gyffrous mewn tîm uchelgeisiol, arloesol sydd wedi ennill gwobrau ac sydd wedi ymgorffori Realiti Rhithwir yn y ffordd y cyflwynir hyfforddiant. Rydym yn chwilio am frwdfrydedd, dull hyblyg ac ymrwymiad ac angerdd dros ddysgu a gwaith tîm. Fel cyfathrebwr rhagorol, byddwch yn gweithio mewn partneriaeth ag awdurdodau lleol eraill a darparwyr hyfforddiant gofal cymdeithasol i gynnig cyfleoedd datblygu, cymwysterau a hyfforddiant sy’n gwneud gwahaniaeth cadarnhaol i’n gweithlu gwaith cymdeithasol/gofal cymdeithasol.

Bydd mynychu digwyddiadau Hyfforddi’r Hyfforddwr ac wedyn cynllunio a chyflwyno’r broses o weithredu rhaglenni hyfforddi yn elfen allweddol o’r rôl hon.

Credwn fod cydbwysedd bywyd a gwaith yn holl bwysig. I’ch cefnogi i gyflawni hyn, bydd gennych fynediad at y buddion dewisol canlynol:

• Gweithio Hybrid: Yn amodol ar fodloni rhai amodau, gallwch ddewis gweithio o’ch cartref neu mewn swyddfa.
• Amser-fflecsi: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth.

Disgrifiad Swydd a Manyleb Person

Pecyn Gwybodaeth Tîm Ceredigion

Cysylltwch â ni

 Am wybodaeth pellach a thrafodaeth anffurfiol ynglŷn â’r swydd hon cysylltwch âVikkie Foale ar Victoria.Foale@ceredigion.gov.uk

Noder: Cedwir yr hawl i ymestyn y dyddiad cau.