Ynglŷn â'r rôl

Rydym yn chwilio am Swyddog Marchnata Rhanbarthol brwdfrydig a chreadigol i ymuno â’n tîm yn llawn amser, yn barhaol (37 awr yr wythnos).

Ynglŷn â’r rôl

Fel rhan o’n tîm rhanbarthol, byddwch yn chwarae rhan allweddol wrth gyflwyno ymgyrchoedd marchnata effeithiol sy’n cynorthwyo’r gwaith o recriwtio gofalwyr maeth ledled Canolbarth a Gorllewin Cymru. Gan weithio o fewn brand cenedlaethol Maethu Cymru, byddwch yn gwneud y canlynol:

• Arwain ar brosiectau marchnata wedi eu targedu.
• Cynllunio a chyflwyno ymgyrchoedd aml-sianel ar draws cyfryngau traddodiadol a digidol.
• Cydweithio’n agos â rhanddeiliaid i ddatblygu strategaethau recriwtio arloesol.
• Defnyddio eich sgiliau cyfathrebu ac ymgysylltu i wneud y mwyaf o effaith ymgyrch.

Amdanoch chi

Rydym yn chwilio am unigolyn sy’n meddu ar y rhinweddau canlynol:

• Brwdfrydedd dros wneud gwahaniaeth gwirioneddol i fywydau plant ac wedi ymrwymo i hyrwyddo arfer gorau.
• Profiad o farchnata a chyflwyno ymgyrchoedd.
• Y gallu i gyfathrebu’n hyderus, gyda sgiliau cryf o ran ymgysylltu a meithrin cydberthnasau.
• Creadigrwydd, cymhelliant, ac ymagwedd drefnus iawn.

Byddwch hefyd:

• Ag ymagwedd hyblyg tuag at eich gwaith, gan weithredu ar draws y cartref, swyddfeydd maethu lleol, a lleoliadau cymunedol, gan gwrdd â phobl wyneb yn wyneb ledled y rhanbarth.
• Yn dod â dealltwriaeth o’r amgylchedd maethu, neu barodrwydd clir i ddysgu’n gyflym ac addasu yn ddi-oed.

Rhagor o fanylion

• Maethu Yng Nghymru

I gael sgwrs anffurfiol:

Nicky Sandford

Rheolwr Datblygu Rhanbarthol

07909 434211

Nicky.sandford@pembrokeshire.gov.uk

I wneud cais, ewch i wefan Cyngor Sir Penfro.