Ynglŷn â'r rôl

Ydych chi’n berson brwdfrydig, egnïol sy’n awyddus i wneud gwahaniaeth go iawn ym mywydau plant? Hoffech chi ymuno ag ysgol hapus, ofalgar a llwyddiannus lle mae lles a chynnydd pob disgybl yn ganolog i bopeth a wnawn?

Mae Ysgol Gynradd Wirfoddol a Reolir Dyffryn Cledlyn  yn chwilio am Gynorthwyydd Addysgu Lefel 2 medrus i ymuno â’n tîm ymroddedig mor fuan â phosib, am gyfnod tan Awst 2028 am 9 awr yn wythnosol. Mi fydd y swydd yn gweithio gydag unigolyn penodol ac yn datblygu agweddau ieithyddol. Rydym yn gymuned glos sy’n rhoi pwyslais ar ofal, cydweithio a chreu cyfleoedd dysgu cyffrous i bawb.

Bydd yr ymgeisydd llwyddiannus yn chwarae rhan allweddol wrth gefnogi dysgu a datblygiad disgybl i gynyddu hyder a phrofiadau ieithyddol.

Mae’r gallu i gyfathrebu yn y Gymraeg a’r Saesneg yn hanfodol i’r swydd hon.

Disgwyliadau’r rôl:

• Cefnogi disgybl, mewn amgylchedd diogel a chynhwysol.
• Meithrin perthnasoedd cadarnhaol gyda disgyblion a’u hannog i gymryd rhan lawn mewn gweithgareddau dysgu.
• Hyrwyddo hunan-barch, annibyniaeth a chydweithio ymhlith disgyblion.
• Gweithio’n agos gydag athrawon i gynllunio a chyflwyno gweithgareddau dysgu ystyrlon.
• Bod yn rhan weithgar o dîm cefnogol ac ymroddedig.

Rydym yn chwilio am rywun sydd:

• Yn meddu ar sgiliau cyfathrebu gwych yn y Gymraeg a’r Saesneg.
• Yn gallu adeiladu perthnasau cadarn dros ystod oedran a gallu.
• Yn gweithio’n hyblyg ac yn gadarnhaol fel rhan o dîm.
• Yn meddu ar gymhwyster NVQ3 neu brofiad cyfatebol.

Byddai profiad o weithio gyda disgyblion ag anghenion dysgu ychwanegol yn fantais, ond nid yn hanfodol.

Disgrifiad Swydd a Manyleb Person

Am fwy o fanylion, mae croeso cynnes i chi gysylltu gyda’r Pennaeth Carol Davies ar daviesc2048@hwbcymru.net

Noder: Cedwir yr hawl i newid y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.