Arweinydd Cyfathrebu ac Ymgysylltu Strategol – Tyfu Canolbarth Cymru
Dyddiad Cau: 29/10/2026
Cyfeirnod: REQ106915
37 awr / Cyfnod Penodedig
47,665 - 49,817 *
Aberystwyth
Ynglŷn â'r rôl
Dyma gyfle prin i lunio llais, gwelededd a naratif cyhoeddus Canolbarth Cymru.
Mae Tyfu Canolbarth Cymru yn chwilio am Arweinydd Cyfathrebu ac Ymgysylltu Strategol hyderus, craff yn wleidyddol ac yn ddwyieithog i ddarparu arweinyddiaeth uwch ym maes cyfathrebu, ymgysylltu a materion cyhoeddus ar draws Bargen Twf Canolbarth Cymru a’r rhaglen ranbarthol ehangach.
Gan weithio wrth galon partneriaeth gymhleth sy’n cynnwys awdurdodau lleol, Llywodraeth Cymru, Llywodraeth y DU, Aelodau etholedig, busnesau a chymunedau, byddwch yn helpu i drosi blaenoriaethau rhanbarthol uchelgeisiol yn gyfathrebu clir, credadwy ac ymgysylltiol. Byddwch yn cynghori uwch arweinwyr, yn rheoli materion sensitif ac uchel eu proffil, yn cryfhau perthnasoedd â rhanddeiliaid, ac yn helpu i ddangos effaith buddsoddiad ledled Canolbarth Cymru.
Os ydych yn gyfathrebwr strategol sy’n gallu dod â chlirdeb i amgylcheddau cymhleth, meithrin hyder rhwng partneriaid a dweud stori Canolbarth Cymru yn effeithiol i gynulleidfaoedd lleol, rhanbarthol a chenedlaethol, hoffem glywed gennych.
Cytundeb cyfnod penodol yw hwn tan fis Mawrth 2028.
Disgrifiad Swydd a Manyleb Person
Pecyn Gwybodaeth Tîm Ceredigion
Am sgwrs anffurfiol, cysylltwch â: Carwyn.jones-evans@ceredigion.gov.uk
Noder: Cedwir yr hawl i ymestyn y dyddiad cau.
Yr hyn a gynigwn
Cydbwysedd bywyd a gwaith
Cynllun cynilo ffordd o fyw
Cynllun pensiwn cyflogwr hael
Cynllun beicio i'r gwaith
Dysgu a datblygu
Lle byddwch yn gweithio
- Economi ac Adfywio
-
Rydym yn chwarae rhan hanfodol yn y gwaith o gyflawni un o brif amcanion Strategaeth Gorfforaethol y Cyngor, sef ceisio rhoi hwb i economi’r Sir a Chanolbarth Cymru. Rydym wedi ein trefnu yn dair prif adran: Gwasanaethau Economi, Cynllunio ac Eiddo. Ein prif swyddogaethau yw:
- Twf a Menter: Cefnogi twf ac adfywiad economaidd yn lleol ac ar draws y rhanbarth; Tyfu Canolbarth Cymru; yr Ystâd Gorfforaethol a Chyfleoedd Datblygu; Cefnogaeth Prosiect; Cyllid Ewropeaidd a lleol; Canolfan Fwyd Cymru a chefnogi datblygiad Bwyd-Amaeth; Hyrwyddo a datblygu twristiaeth; Canolfannau Gwybodaeth i Dwristiaid; Arfordir a Chefn Gwlad
- Gwasanaethau Cynllunio: Cefnogi twf trwy’r Gwasanaethau Cynllunio a Rheoli Adeiladu; Polisi Cynllunio Defnydd Tir Strategol a Lleol; Rheoli Datblygu; Rheoli Adeiladu; a Chwiliadau Tir.
- Gwasanaethau Eiddo: Cefnogi rhaglen y Cyngor trwy Reoli Prosiectau; Cynnal a Chadw Eiddo ac Adeiladau; Rheoli Cyfleusterau; Rheoli Carbon; a’r Defnydd Effeithlon o Eiddo’r Cyngor.
- Aberystwyth
- Mae Aberystwyth yn dref brifysgol fywiog ac yn gyrchfan glan môr gyda phromenâd a phier. Yn ogystal dyma yw lleoliad y ddrama deledu atmosfferig Y Gwyll.
Mae Aberystwyth yn lleoliad delfrydol i archwilio Llwybr Arfordir Cymru ar hyd Bae Cere...
Darllen mwy
Cyngor Sir Ceredigion
Neuadd Cyngor Ceredigion Penmorfa
Aberaeron
Ceredigion
SA46 0PA