Ynglŷn â'r rôl

HYSBYSEB SWYDD: PENNAETH YSGOLION CYNRADD CENARTH A LLECHRYD

GRADDFA CYFLOG: L8 – L14

ISR: 1c

Cyflog: £62,612 – £72,579

Yn eisiau erbyn y 1af o Ionawr, 2027 (neu cyn gynted a phosib ar ôl hynny)

Nifer y dysgwyr ym mis Medi 2026 – Cenarth: 84 Llechryd: 42

Cyfle cyffrous i arwain dwy ysgol gynradd Gymraeg sydd wrth galon eu cymunedau.

Mae Cyrff Llywodraethu Ysgol Cenarth ac Ysgol Llechryd yn chwilio am Bennaeth eithriadol, ysbrydoledig ac uchelgeisiol i arwain y ddwy ysgol i’r cam nesaf yn eu datblygiad. Bydd yr ymgeisydd llwyddiannus yn ymrwymo i sicrhau bod pob dysgwr yn ffynnu ac yn cael y dechrau gorau posibl.

Ysgol Cenarth

Mae Ysgol Cenarth yn ysgol wledig Gymraeg lwyddiannus sydd â lle arbennig yng nghalon ei chymuned. Mae Estyn yn ei disgrifio fel “cymuned hapus, deuluol a chroesawgar” (Hydref 2023), lle mae disgyblion cwrtais a brwdfrydig yn cael eu cefnogi gan staff ymroddedig a pherthnasoedd cryf â rhieni, llywodraethwyr a’r gymuned ehangach.

Mae’r ysgol yn hyrwyddo’r Gymraeg, Cymreictod a dysgu sy’n adlewyrchu cynefin y disgyblion. Bydd y Pennaeth newydd yn adeiladu ar y sylfeini hyn ac yn arwain yr ysgol yn hyderus i’r cam nesaf. Cwblhawyd rhaglen o waith adnewyddu ac adeiladu ar y safle yn 2022.

Ysgol Llechryd

Mae Ysgol Llechryd yn ysgol gynradd Gymraeg lewyrchus. Mae Estyn yn ei disgrifio fel “cymuned ddysgu hapus a chynhwysol” (Tachwedd 2025), lle mae disgyblion a staff yn trin ei gilydd â gofal a charedigrwydd, ac mae cyfeiriad strategol clir yn cefnogi gwelliant parhaus.

Mae’r cwricwlwm wedi’i wreiddio yn yr ardal leol, ei threftadaeth a’r Gymraeg, ac mae partneriaethau cadarn yn cyfoethogi profiadau’r disgyblion. Bydd y Pennaeth newydd yn adeiladu ar y gwaith hwn ac yn arwain yr ysgol ymlaen gyda disgwyliadau uchel. Mae Cylch Meithrin wedi’i leoli ar y safle.

Rydym yn chwilio am arweinydd sydd:

• Â gweledigaeth glir ac uchelgeisiol ar gyfer y bartneriaeth, a’r gallu i uno ac ysbrydoli cymunedau’r ddwy ysgol.
• Yn gosod disgwyliadau uchel ac yn arwain yn strategol er mwyn sicrhau cynnydd a gwelliant parhaus.
• Yn meithrin diwylliant gofalgar, parchus a chynhwysol sy’n ymateb i anghenion unigol ac yn rhoi lles, tegwch a llwyddiant pob dysgwr wrth wraidd penderfyniadau.
• Â dealltwriaeth gadarn o addysgeg effeithiol ac arferion cyfredol, ac yn hyrwyddo dysgu proffesiynol, gwaith tîm a chydweithio.
• Yn gyfathrebwr medrus sydd â’r gallu i reoli’n effeithiol ac i gefnogi, herio a datblygu staff.
• Yn sicrhau bod pob dysgwr, beth bynnag fo’i anghenion neu gefndir, yn cael ei alluogi i gyflawni ei lawn botensial fel unigolyn hyderus, creadigol, gwydn ac annibynnol.
• Yn gwerthfawrogi llais dysgwyr ac yn meithrin partneriaethau ystyrlon â rhieni a gofalwyr, llywodraethwyr, cymunedau lleol, ysgolion partner, y Cylch Meithrin ac Urdd Gobaith Cymru.
• Yn hyrwyddo’r Gymraeg a’i diwylliant yn frwdfrydig, gan annog dysgwyr i’w cofleidio a grymuso teuluoedd i gefnogi’r Gymraeg gartref.

Ar hyn o bryd, nid oes gan y Pennaeth gyfrifoldeb addysgu. Fodd bynnag, adolygir y sefyllfa hon yn gyson yn unol â chyllidebau Ysgolion Cynradd Cenarth a Llechryd.

Ein huchelgais

Rydym am benodi Pennaeth a fydd yn parchu hunaniaeth pob ysgol, yn cryfhau’r cydweithio rhyngddynt ac yn arwain gyda gweledigaeth ac egni i sicrhau dyfodol disglair i bob dysgwr.

Os ydych yn arweinydd ysbrydoledig sy’n rhannu ein huchelgais i roi “Dechrau Da” i bob plentyn, ei helpu i dyfu “o’r fesen fach i’r gangen uchaf” a sicrhau “Dyfodol Disglair”, hoffem glywed gennych.

Mae’r hysbyseb hon ar gyfer swydd Pennaeth llawn amser lle mae’r gallu i gyfathrebu drwy gyfrwng y Gymraeg a’r Saesneg yn hanfodol.

Mae’n rhaid i ymgeiswyr sydd yn ceisio am eu swydd Pennaeth parhaol gyntaf feddu ar gymhwyster CPCP (Cymhwyster Proffesiynol Cenedlaethol ar gyfer Prifathrawiaeth.)

Gwybodaeth Ychwanegol

• Disgrifiad Swydd
• Manyleb Person

Mae croeso i ymgeiswyr sy’n dymuno ymweld â’r ddwy ysgol cyn gwneud cais, wneud hynny drwy gysylltu â Mr Chris James (Cadeirydd Corff Llywodraethol Ysgol Gynradd Cenarth) drwy e-bost ar chrisjamescenarth@mac.coma Miss Helen Groth (Cadeirydd Corff Llywodraethol Ysgol Gynradd Llechryd) ar hello@helengroth.co.uki drefnu ymweliad.

Am ragor o wybodaeth am y swydd hon, cysylltwch ag Elen Gwenllian Davies, Ymgynghorydd Cefnogi Ysgolion, ar 07970 000479 neu drwy e-bost elen.gwenllian.davies@ceredigion.gov.uk

Y dyddiad cau ar gyfer ceisiadau yw nos Iau, 22ain o Hydref, 2026 am 11.59yh a chynhelir cyfweliadau ar ddydd Mercher, 11eg o Dachwedd, 2026.

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.