Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Mae’r hysbyseb hon ar gyfer tair swydd: un swydd barhaol a dwy swydd tymor penodol. Nodwch yn glir yn eich cais a ydych chi’n gwneud cais am y swydd barhaol neu swydd tymor penodol.

Rydym yn chwilio am Syrfëwr / Prisiwr Siartredig proffesiynol llawn cymhelliant  i ymuno â’n tîm Asedau o fewn y Gwasanaeth Economi ac Adfywio. Byddwch yn chwarae rôl allweddol wrth ddarparu gwasanaethau prisio a rheoli asedau sy’n cefnogi datblygiad strategol ledled Ceredigion.

Mae’r rôl yn cynnwys:

• Ymgymryd â gwaith prisio ar gyfer pob math o drafodion eiddo
• Arwain cylch prisio asedau blynyddol y Cyngor
• Darparu cyngor arbenigol i wasanaethau a phartneriaid mewnol
• Negodi caffaeliadau, gwarediadau, gadael ffordd a hawddfreintiau
• Nodi cyfleoedd incwm newydd a gwella perfformiad portfolio
• Arwain a chefnogi aelodau eraill o’r tîm

Mae hwn yn gyfle cyffrous i rywun sydd ag ymwybyddiaeth fasnachol gref, sgiliau trafod, ac angerdd dros gefnogi twf economaidd Ceredigion.

Rydym yn chwilio am rywun sydd:
            Â Chymwysterau proffesiynol (MRICS + Prisiwr Cofrestredig)
            Profiadol mewn prisio a rheoli asedau
            Hyderus yn gweithio’n annibynnol ac yn medru rheoli llwyth gwaith amrywiol
            Medrus mewn trafod ac ymgysylltu â rhanddeiliaid
            Ymwybodol o wleidyddiaeth ac â gofal cwsmeriaid da
            Yn gallu teithio ledled y sir yn ôl yr angen (trwydded yrru lawn y DU)

Mae sgiliau Cymraeg Lefel 3 yn ofynnol ar gyfer y rôl hon. Os nad ydych yn bodloni’r lefel hon ar hyn o bryd, byddwn yn eich cefnogi i ddatblygu ac ennill y sgiliau angenrheidiol ar ôl cael eich penodiad, gan gynnwys mynediad at gyfleoedd dysgu yn ystod oriau gwaith.

Beth rydym yn ei gynnig

• Amgylchedd tîm cefnogol, cydweithredol
• Gweithio hyblyg / hybrid
• DPP parhaus a datblygiad proffesiynol
• Cyfleoedd i arwain prosiectau economaidd arloesol

Credwn fod cydbwysedd bywyd a gwaith yn holl bwysig. I’ch cefnogi i gyflawni hyn, bydd gennych fynediad at y buddion dewisol canlynol:

• Gweithio Hybrid: Yn amodol ar fodloni rhai amodau, gallwch ddewis gweithio o’ch cartref neu mewn swyddfa.
• Amser-fflecsi: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth.

Helpwch ni i lunio dyfodol amgylchedd adeiledig Ceredigion!

Disgrifiad Swydd a Manyleb Person

Pecyn Gwybodaeth Tîm Ceredigion

Cysylltwch â ni

 Am wybodaeth pellach a thrafodaeth anffurfiol ynglŷn â’r swydd hon cysylltwch âGraeme Lane ar Graeme.Lane2@ceredigion.gov.uk

Dyddiad y cyfweliad: 02.04.2026

Noder: Cedwir yr hawl i ymestyn y dyddiad cau.