Pen Swyddog Rheoli Adeiladu

Dyddiad Cau: 16/04/2026

Cyfeirnod: REQ106566

37 awr / Parhaol

46,142 - 48,226 *

Penmorfa, Aberaeron

*Mae'r gwerthoedd cyflog yn pro-rata.

Cais Ar-lein

Ynglŷn â'r rôl

Rydym yn edrych i recriwtio unigolyn brwdfrydig sy’n llawn cymhelliant i gynorthwyo’r rheolwr tîm Rheoli Adeiladau y Cyngor yn barhaol, llawn amser.

Gan ffurfio rhan o’r Gwasanaeth Cynllunio ehangach, sy’n delio â dyletswyddau a gofynion statudol o dan y Deddfau Rheoleiddio Adeiladu a deddfwriaeth gysylltiedig arall, byddai’r deiliad swydd yn chwarae rôl allweddol wrth fonitro a rheoleiddio datblygiadau ar draws y sir

O ddydd i ddydd, byddwch yn:

cynorthwyo i arwain gwasanaeth Rheoli Adeiladu yn effeithiol, effeithlon, ymatebol ac o ansawdd uchel
gorchwylio tîm o Arolygwyr Adeiladu Cofrestredig a’r staff Pridiannau Tir Lleol
bwrw ymlaen â newidiadau deddfwriaethol o ganlyniad i Reoliadau Adeiladu (Cymru) 2024, 2025
darparu cymorth i’r Gwasanaeth Cynllunio ehangach

Rydym yn edrych i recriwtio unigolyn:

gyda gradd neu gyfwerth mewn pwnc perthnasol neu gyda chyfuniad cyfatebol o wybodaeth a phrofiad o Reoli Adeiladu
bod yn Arolygydd Adeiladu Cofrestredig Dosbarth 2(a-f) neu uwch
gyda’r gallu i gyfathrebu’n ddiduedd, yn broffesiynol ac yn effeithiol gydag ystod eang o bobl ar wahanol lefelau
gyda’r gallu i weithio gyda goruchwyliaeth gyfyngedig ac i weithio i ddyddiadau cau tynn
gydag ymrwymiad cryf i ddarparu gwasanaeth o ansawdd uchel i’r cyhoedd ac ymrwymiad cryf i foddhad cwsmeriaid.

Mae’r swydd yn gofyn am rywfaint o rhuglder yn yr iaith Gymraeg. Sylwch y bydd ymgeisydd llwyddiannus heb y sgiliau Cymraeg angenrheidiol yn cael cefnogaeth lawn i gyrraedd y safon ofynnol o fewn dwy flynedd ar ôl ei benodi.

Gallwch hefyd ddod o hyd i ragor o wybodaeth ddefnyddiol ar ein gwefan gyrfaoedd. Yma, fe welwch fanylion mewn perthynas â’r hyn y gallwn ei gynnig a pha fath o ffordd o fyw y gallwch ei ddisgwyl. Yn wir, mae Ceredigion yn cael ei chydnabod fel un o’r lleoedd mwyaf diogel i fyw a gweithio, gyda diwylliant bywiog, ysgolion ardderchog ac arfordiroedd hardd a chefn gwlad tonnog.

Disgrifiad Swydd a Manyleb y Person

Pecyn Gwybodaeth Tîm Ceredigion

Am drafodaeth anffurfiol, cysylltwch â Geraint Williams Rheolwr Gwasanaeth Rheoli Adeiladu ar Ffôn: 01545 572 482

Noder: Cedwir yr hawl i ymestyn y dyddiad cau.

Yr hyn a gynigwn

Cydbwysedd bywyd a gwaith

Cynllun cynilo ffordd o fyw

Cynllun pensiwn cyflogwr hael

Cynllun beicio i'r gwaith

Dysgu a datblygu

Lle byddwch yn gweithio

Economi ac Adfywio

Rydym yn chwarae rhan hanfodol yn y gwaith o gyflawni un o brif amcanion Strategaeth Gorfforaethol y Cyngor, sef ceisio rhoi hwb i economi’r Sir a Chanolbarth Cymru. Rydym wedi ein trefnu yn dair prif adran: Gwasanaethau Economi, Cynllunio ac Eiddo. Ein prif swyddogaethau yw:

Twf a Menter: Cefnogi twf ac adfywiad economaidd yn lleol ac ar draws y rhanbarth; Tyfu Canolbarth Cymru; yr Ystâd Gorfforaethol a Chyfleoedd Datblygu; Cefnogaeth Prosiect; Cyllid Ewropeaidd a lleol; Canolfan Fwyd Cymru a chefnogi datblygiad Bwyd-Amaeth; Hyrwyddo a datblygu twristiaeth; Canolfannau Gwybodaeth i Dwristiaid; Arfordir a Chefn Gwlad
Gwasanaethau Cynllunio: Cefnogi twf trwy’r Gwasanaethau Cynllunio a Rheoli Adeiladu; Polisi Cynllunio Defnydd Tir Strategol a Lleol; Rheoli Datblygu; Rheoli Adeiladu; a Chwiliadau Tir.
Gwasanaethau Eiddo: Cefnogi rhaglen y Cyngor trwy Reoli Prosiectau; Cynnal a Chadw Eiddo ac Adeiladau; Rheoli Cyfleusterau; Rheoli Carbon; a’r Defnydd Effeithlon o Eiddo’r Cyngor.

Penmorfa

Penmorfa yw ein swyddfa fwyaf canolog, dyma lle mae ein Prif Weithredwr a'n Cynghorwyr wedi'i leoli.
Darllen mwy

Aberaeron

Mae Aberaeron yn dref harbwr brydferth ac mae'n un o gyrchfannau gwyliau mwyaf poblogaidd Ceredigion gyda llefydd poblogaidd i aros a bwyta.
Darllen mwy

Cais Ar-lein