Ynglŷn â'r rôl

Rydym am recriwtio Uwch Swyddog Iechyd yr Amgylchedd i ymuno â’n Tîm Diogelu’r Cyhoedd ar gytundeb parhaol, amser llawn .

Am y rôl

Mae’r rôl hon yn gofyn i’r ymgeisydd fod yn rhan o dîm ymroddedig a phroffesiynol o Swyddogion Iechyd yr Amgylchedd, a Swyddogion Diogelu’r Cyhoedd sy’n gyfrifol ac yn atebol am orfodaeth, rheoli, datblygu a chynnal safonau Iechyd yr Amgylchedd a Diogelu’r Cyhoedd ledled Ceredigion.

Bydd y rôl hon yn gyfrifol am gyflwyno ystod eang o swyddogaethau Diogelu’r Cyhoedd, gan gynnwys diogelwch a safonau bwyd, diogelu iechyd y cyhoedd, diogelu’r amgylchedd, iechyd a lles anifeiliaid, a gorfodi iechyd a diogelwch. Gan weithredu fel swyddog awdurdodedig y Cyngor, bydd deiliad y swydd yn ymgymryd â dyletswyddau rheoleiddio, ymchwilio a gorfodi er mwyn diogelu iechyd y cyhoedd a’r amgylchedd, yn ogystal â darparu rheolaeth weithredol ddyddiddydd a goruchwyliaeth ar staff sy’n cyflwyno’r gwasanaethau hyn. O ddydd i ddydd byddwch yn:

• Ymchwilio i amryw o achosion ar draws y ddeddfwriaeth a pharatoi tystiolaeth a deunydd arall ar gyfer cychwyn achos cyfreithiol, gan gynnwys cyflwyno hysbysiadau statudol, a rhoi tystiolaeth yn y llys, ymholiadau cyhoeddus a thribiwnlysoedd fel y bo’n briodol.
• Rheoli aelodau’r tîm i alluogi cyflawni’r camau gweithredu a’r targedau a osodir yng Nghynllun blynyddol y Gwasanaeth.
• Sicrhau bod aelodau’r tîm yn cadw at holl bolisïau, mentrau a gweithdrefnau perthnasol y Cyngor mewn cysylltiad â chyflawni eu gweithgarwch gwaith wrth gyflenwi gwasanaethau.
• Rheoli gwaith ymchwilio tîm y gwasanaeth ac adrodd i Reolwr Iechyd yr Amgylchedd y materiel hynny sydd angen ymyrraeth ffurfiol bellach.

Ein hymgeisydd delfrydol

Rydym am recriwtio unigolyn:

• Yn gallu adeiladu perthnasoedd gwaith effeithiol o fewn a thu allan i faes gwasanaeth y gwaith.
• Y gallu i reoli ac ysgogi timau a chydweithwyr i gyrraedd targedau a drafodwyd.
• Y gallu i gymhwyso sgiliau dadansoddi i ystod o broblemau ymarferol.
• Ymrwymiad i weithredu polisïau, nodau ac amcanion y Cyngor.

Profiad

Bydd gan yr ymgeisydd llwyddiannus o leiaf 5 mlynedd o brofiad o ddarparu gwasanaethau cyhoeddus gydag o leiaf 2 flynedd o brofiad yn gweithio mewn amgylchedd rheoleiddio, Iechyd yr Amgylchedd neu wasanaeth rheoleiddio tebyg os yn bosib.

Cymraeg

Rydym yn croesawu ceisiadau gan y di-Gymraeg. Bydd pob ymgeisydd llwyddiannus sydd angen cymorth i ddysgu/gwella eu sgiliau iaith Gymraeg yn cael cynnig gwersi wedi’u hariannu, yn ystod amser gwaith, i helpu i gyrraedd y safon a ddymunir.

Disgrifiad Swydd a Manyleb Person

Pecyn Gwybodaeth Tîm Ceredigion

Ein cynnig i chi

Rydym wedi ymrwymo i ddatblygu ein pobl a byddwn nid yn unig yn darparu cymorth i’ch galluogi i gymryd perchnogaeth o feysydd cyfrifoldeb allweddol y rôl hon yn gyflym ac yn hyderus ond yn ogystal, rydym wedi ymrwymo i gefnogi eich datblygiad er mwyn i chi allu bwrw ymlaen â’ch gyrfa gyda ni.

Yn gyfnewid am eich sgiliau a’ch ymrwymiad byddwn yn cynnig ystod o fuddion i chi i weithwyr gan gynnwys gweithio hyblyg, lwfans gwyliau blynyddol cystadleuol, buddion teulu, arbedion ffordd o fyw a phecynnau iechyd a lles.

Gellir cael mwy o wybodaeth am ein hystod eang o fuddion gweithwyr yma.  

Credwn fod cydbwysedd bywyd a gwaith yn holl bwysig. I’ch cefnogi i gyflawni hyn, bydd gennych fynediad at y buddion dewisol canlynol: 

• Gweithio Hybrid: Yn amodol ar fodloni rhai amodau, gallwch ddewis gweithio o’ch cartref neu mewn swyddfa. Oherwydd natur y rôl, bydd angen i chi deithio o fewn Ceredigion yn rheolaidd. 

• Amser-fflecsi: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth. 

Am fwy o wybodaeth am sir Ceredigion a’r ffordd o fyw mae’n ei chynnig cliciwch yma. 

Cysylltwch â ni 

Am wybodaeth pellach a thrafodaeth anffurfiol ynglŷn â’r swydd hon cysylltwch Heddwyn Evans ar publicprotection@ceredigion.gov.uk. 

Noder: Cedwir yr hawl i ymestyn y dyddiad cau.