Ynglŷn â'r rôl

Gall yr ymgeisydd llwyddiannus fod yn gymwys i hyd at uchafswm o £8,000 (gan gynnwys TAW) tuag at gost y treuliau a dynnir oherwydd adleoli i Geredigion. Am fwy o wybodaeth, anfonwch e-bost at adnoddaudynol@ceredigion.gov.uk. Am fwy o wybodaeth am sir Ceredigion a’r ffordd o fyw ragorol y mae’n ei gynnig, cliciwch yma.

Sylwch fod y cyflog a hysbysebir ar gyfer y swydd hon yn amodol ar ddyfarniad cyflog sydd ar ddod. Bydd y cyflog terfynol yn cael ei addasu yn unol â’r dyfarniad cyflog a gytunwyd yn genedlaethol.

A ydych chi’n arweinydd uwch profiadol gyda chefndir cryf mewn gofal cymdeithasol, iechyd neu lywodraeth leol?

A oes gennych hanes profedig o arwain gwasanaethau cymhleth ac amlddisgyblaethol, gwella perfformiad, a sicrhau canlyniadau diogel ac o ansawdd uchel mewn amgylchedd heriol a deinamig?

Rydym yn chwilio am arweinydd profiadol sy’n cael ei yrru gan werthoedd i arwain Porth Gofal – portffolio hanfodol sy’n cwmpasu brysbennu ac asesu integredig, gwasanaethau tymor byr a wedi’u targedu, dyletswyddau argyfwng a darpariaeth y tu allan i oriau, taliadau uniongyrchol a chyfarpar gofal cymunedol, galluogi drwy ofal cartref, yn ogystal â gwasanaethau dydd a gofal preswyl i oedolion a phlant. Mae hon yn rôl allweddol o fewn model arweinyddiaeth gyfunol y Cyngor, gan gyfuno atebolrwydd clir dros wasanaethau â chyfrifoldeb corfforaethol ar y cyd.

Beth fyddwch yn ei wneud

• Dirprwyo ar ran Cyfarwyddwr Statudol y Gwasanaethau Cymdeithasol pan fo angen.
• Gweithredu fel Swyddog Arweiniol Corfforaethol a phrif gynghorydd i’r Cyngor ar faterion sy’n ymwneud â Gwasanaethau Preswyl a Dydd, Brysbennu ac Asesu Integredig, a Gwasanaethau a Tymor Byr ac wedi’u Targedu 
• Darparu cyfeiriad strategol ac arweinyddiaeth o fewn model rheoli ar y cyd, gan sicrhau bod gwasanaethau’n cael eu darparu’n effeithiol a bod amcanion corfforaethol yn cael eu cyflawni drwy gydweithio a chyd‑atebolrwydd.
• Gweithio’n agos gydag arweinwyr uwch eraill i ddatblygu a chyflawni mentrau strategol, gan feithrin diwylliant o waith tîm a gwneud penderfyniadau ar y cyd.
• Arwain yn greadigol ac yn strategol i sicrhau’r safonau perfformio uchaf posibl ar draws gwasanaethau’r Cyngor.

Beth y byddwch yn ei gyflwyno

• Cymhwyster lefel gradd (neu brofiad cyfatebol) mewn Gofal Cymdeithasol, Iechyd neu faes perthnasol, ynghyd â thystiolaeth o ddatblygiad proffesiynol parhaus.
• Profiad arweinyddiaeth uwch sylweddol (o leiaf 5 mlynedd o brofiad rheoli perthnasol), gyda hanes clir o arwain timau amlddisgyblaethol a gwella gwasanaethau ar raddfa eang.
• Dealltwriaeth gref o weithio o fewn amgylchedd gwleidyddol a democrataidd llywodraeth leol.
• Cofrestriad cyfredol gyda Gofal Cymdeithasol Cymru (neu HCPC yn Lloegr), neu ymrwymiad i fodloni gofynion cofrestru.

Beth allwn ni ei gynnig i chi

• Rôl arweinyddiaeth uwch gyda dylanwad gwirioneddol, gan lunio’r ffordd y darperir gwasanaethau gofal a chymorth ar draws Ceredigion.
• Y cyfle i weithio mewn diwylliant arweinyddiaeth gyfunol sy’n seiliedig ar werthoedd, lle mae cydweithio a chyfrifoldeb ar y cyd yn ganolog.
• Cyflog cystadleuol ar radd Swyddog Arweiniol Corfforaethol (Dyfarniad Cyflog 2026/27 yn yr arfaeth).
• Cymorth adleoli, lle bo’n berthnasol, drwy Gynllun Adleoli’r Cyngor (hyd at £8,000).
• Trefniadau gweithio hybrid hyblyg a ffocws cryf ar lesiant.
• Pecyn cynhwysfawr o fuddion i weithwyr.
• Y cyfle i fyw a gweithio yng Ngheredigion, gan fwynhau ansawdd bywyd rhagorol, arfordir a chefn gwlad trawiadol, a chymunedau cryf, cefnogol.

Gwybodaeth ychwanegol

• Disgrifiad Swydd a Manyleb y Person
• Pecyn Gwybodaeth i Ymgeiswyr

Noder: Cedwir yr hawl i ymestyn y dyddiad cau.