Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Mae Cyngor Sir Ceredigion yn awyddus i benodi unigolyn brwdfrydig gyda chymwysterau a/neu brofiad yn y gwaith o reoli asedau neu eiddo.

Fel Swyddog Asedau Cynorthwyol, byddwch yn chwarae rhan hanfodol wrth gefnogi rheolaeth a chynnal asedau’r cyngor, gan gynnwys tir ac adeiladau. Bydd eich cyfrifoldebau yn cynnwys cynorthwyo gydag archwiliadau eiddo, cynnal cofnodion asedau cywir, cydlynu atgyweiriadau a chynnal a chadw, a darparu cymorth gweinyddol i’r tîm Asedau. Mae’r swydd hon yn cynnig cyfle gwych i gyfrannu at reolaeth effeithlon ac effeithiol asedau Cyngor Sir Ceredigion, ac i ddatblygu eich gyrfa yn y sector hwn.

Ymhlith y prif ddyletswyddau mae:

• Cynorthwyo gydag archwiliadau eiddo i sicrhau cydymffurfiaeth â rheoliadau iechyd a diogelwch, codau adeiladu a safonau cynnal a chadw.
• Cynnal a diweddaru cofnodion asedau cywir, gan gynnwys manylion eiddo, adroddiadau cyflwr, a rhestrau asedau.
• Cydlynu ac amserlennu prosiectau atgyweirio, cynnal a chadw ac adnewyddu ar gyfer asedau sy’n eiddo i’r cyngor, gan gysylltu â chontractwyr, cyflenwyr a rhanddeiliaid mewnol yn ôl yr angen.
• Cynnal ymchwil a chasglu gwybodaeth am faterion sy’n gysylltiedig ag asedau, megis gwerth eiddo, tueddiadau’r farchnad, ac arferion gorau cynnal a chadw.

Credwn fod cydbwysedd bywyd a gwaith yn holl bwysig. I’ch cefnogi i gyflawni hyn, bydd gennych fynediad at y buddion dewisol canlynol:

• Gweithio Hybrid: Yn amodol ar fodloni rhai amodau, gallwch ddewis gweithio o’ch cartref neu mewn swyddfa.
• Amser-fflecsi: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth.

Disgrifiad Swydd a Manyleb Person

Pecyn Gwybodaeth Tîm Ceredigion

Bydd angen i chi fod wedi’ch addysgu hyd at lefel gradd mewn maes perthnasol neu feddu ar brofiad perthnasol (o leiaf 4 blynedd) o weithio yn y maes hwn. Yn ddelfrydol, bydd gennych gymhwyster RICS, neu’n gweithio tuag at ennill cymhwyster RICS.

Am fwy o wybodaeth, cysylltwch â: Graeme Lane – Graeme.lane2@ceredigion.gov.uk

Noder: Cedwir yr hawl i ymestyn y dyddiad cau.