Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Eisiau dechrau eich gyrfa ym maes cynaliadwyedd a’r amgylchedd adeiledig? Am helpu i ddarparu adeiladau cyhoeddus diogel, effeithlon a chynaliadwy ledled Ceredigion? Rydym yn chwilio am raddedig cymhellol i ymuno â ni fel Hyfforddai Graddedig ym maes Lleihau Carbon, Ynni a Rheoli Asedau ar gontract cyfnod penodol, llawn amser, 12 mis.

Yn y rôl hon, byddwch yn gweithio ochr yn ochr â chydweithwyr profiadol i gefnogi ein gwaith ym maes ynni, carbon a rheoli asedau – gan ddatblygu sgiliau ymarferol mewn data, cydymffurfiaeth a chyflawni prosiectau. Byddwch yn cael cefnogaeth i ddysgu’r systemau a’r offer sydd eu hangen arnoch, a byddwch yn helpu i droi gwybodaeth yn gamau gweithredu sy’n gwella ein hadeiladau a’n gwasanaethau. Mae gwybodaeth a phrofiad blaenorol o ddefnyddio AutoCAD yn ddymunol.

Beth fyddwch chi’n ei wneud

• Cefnogi cyflawni prosiectau ynni a lleihau carbon, gan weithio gyda chydweithwyr a chyflenwyr
• Cynnal arolygon adeiladau mesuredig a diweddaru cynlluniau gan ddefnyddio AutoCAD i gefnogi cydymffurfiaeth
• Cefnogi cynnal cofrestrau diogelwch adeiladau, gan gynnwys asbestos a Legionella, a chadw data eiddo’n gyfredol
• Mewnbynnu, diweddaru a gwirio ansawdd data yn system Infoshare Asset Management a meddalwedd SystemsLink Energy Manager

Pwy rydym yn chwilio amdano

Rydych yn chwilfrydig, trefnus ac yn awyddus i wneud gwahaniaeth. I fod yn gymwys, bydd angen gradd 2:1 (neu uwch) arnoch, a gwblhawyd o fewn y tair blynedd diwethaf.

Bydd angen hefyd i chi allu teithio ac ymweld â lleoliadau ledled Ceredigion gan ddefnyddio eich trefniadau teithio eich hun pan fo angen.

Yn gyfnewid, byddwch yn ennill profiad gwerthfawr yn y sector cyhoeddus, yn datblygu eich arbenigedd ym maes ynni a rheoli asedau, ac—yn amodol ar berfformiad rhagorol a chontract dilynol—byddwn yn eich cefnogi i ennill cymwysterau proffesiynol RICS a MBIFM.

Yr hyn rydym yn ei gynnig i chi

• Swydd 12 mis (gan anelu i ddechrau yng nghanol mis Medi 2026)
• Cymhwyster rheoli prosiect cydnabyddedig (PRINCE2)
• Cefnogaeth a mentora proffesiynol
• 27 diwrnod o wyliau blynyddol, ynghyd ag 8 gŵyl gyhoeddus
• Gweithio hybrid – yn amodol ar ofod gwaith addas, cysylltiad band eang ac anghenion y gwasanaeth
• Amser hyblyg – gallwch weithio rhwng 7:30 y bore a 7:00 yr hwyr, gyda’r oriau mewn credyd yn cael eu cymryd fel gwyliau ychwanegol
• Y potensial ar gyfer contract dilynol, yn amodol ar berfformiad rhagorol ac argaeledd cyllid, a all gynnwys cefnogaeth bellach i ennill cymhwyster proffesiynol arbenigol

Os ydych yn barod i ddechrau gyrfa â phwrpas a gweld effaith eich gwaith yn y byd go iawn, gwnewch gais nawr a dechreuwch eich taith gyda Thîm Ceredigion!

Gwybodaeth Ychwanegol

Mae rhagor o fanylion ar gael yn:

• Disgrifiad Swydd a Manyleb y Person
• Pecyn Gwybodaeth y Cynllun Graddedigion
• Pecyn Gwybodaeth Tîm Ceredigion

Sesiwn Gwybodaeth Rithwir: Ymunwch â ni ddydd Llun, 15fed Mehefin, o 10:30yb i 11:30yb neu Dydd Gwener, 26 Mehefin 2026 am 12:00 – 12:45. Cliciwch yma i gofrestru.

Cynhelir cyfweliadau yn ystod yr wythnos sy’n dechrau ar 13 Gorffennaf 2026

Am ragor o wybodaeth, cysylltwch ag Allan Bailey drwy allan.bailey@ceredigion.gov.uk

Noder: Cedwir yr hawl i ymestyn y dyddiad cau.