Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Ydych chi’n bwriadu dechrau eich gyrfa mewn rôl swyddfa lle gallwch chi ddatblygu sgiliau go iawn mewn recriwtio, cyfathrebu a systemau digidol

Rydym yn chwilio am Brentis Recriwtio a Chyfathrebu Mewnol i ymuno â’n tîm Profiad y Gweithiwr. Mae hwn yn gyfle gwych i ennill profiad ymarferol tra’n gweithio tuag at gymhwyster a gydnabyddir yn genedlaethol.

Ynglŷn â’r rôl

Yn y rôl hon, byddwch yn cefnogi gweithgareddau recriwtio a chyfathrebu mewnol ar draws y sefydliad. Byddwch yn cyfrannu at hyrwyddo cyfleoedd swydd, cynnal cynnwys digidol a chefnogi rheolwyr, gweithwyr ac ymgeiswyr.

Bydd y rôl hon yn rhoi profiad i chi o ystod eang o dasgau ac yn darparu sylfaen gadarn ar gyfer gyrfa yn y dyfodol ym maes AD, recriwtio neu gyfathrebu.

Beth fyddwch chi’n ei wneud

• Llwytho a rheoli hysbysebion swyddi ar wefan gyrfaoedd
• Creu a diweddaru erthyglau newyddion a chynnwys ar fewnrwyd y staff
• Ymateb i ymholiadau arferol gan weithwyr, rheolwyr ac ymgeiswyr swyddi
• Mynychu digwyddiadau recriwtio a ffeiriau gyrfaoedd
• Gwirio a phrawfddarllen cynnwys i sicrhau cywirdeb a sylw i fanylion
• Dysgu sut i drin gwybodaeth yn ddiogel a chynnal cyfrinachedd

Beth rydym yn chwilio amdano

Byddai’r rôl hon yn addas i rywun sy’n:

• Mwynhau defnyddio cyfrifiaduron ac sy’n hyderus wrth weithio gyda systemau ac offer digidol
• Â sylw da i fanylion ac yn ymfalchïo mewn cynhyrchu gwaith cywir
• Â sgiliau cyfathrebu da ac yn gyfforddus yn gofyn cwestiynau ac yn dysgu
• Yn drefnus ac yn gallu rheoli ystod o dasgau
• Â diddordeb mewn gwaith swyddfa, recriwtio, AD neu gyfathrebu
• Yn gweithio’n dda fel rhan o dîm
• Yn awyddus i ddysgu, datblygu a meithrin sgiliau newydd fel rhan o brentisiaeth

Sylwer: Ni fyddwch yn gymwys os ydych eisoes yn meddu ar radd neu gymhwyster mewn Gweinyddu Busnes ar y lefel hon neu’n uwch.

Beth fyddwch chi’n ei ennill

• Cymhwyster Prentisiaeth Gweinyddu Busnes Lefel 2
• Profiad ymarferol mewn recriwtio, AD a chyfathrebu mewnol
• Cefnogaeth a mentora gan dîm profiadol
• Cyfle i gyfrannu at brosiectau go iawn sy’n cefnogi gweithwyr ar draws y sefydliad

Ein cynnig i chi

Rydym wedi ymrwymo i ddatblygu ein pobl a byddwn nid yn unig yn darparu cymorth i’ch galluogi i gymryd perchnogaeth o feysydd cyfrifoldeb allweddol y rôl hon yn gyflym ac yn hyderus ond yn ogystal, rydym wedi ymrwymo i gefnogi eich datblygiad er mwyn i chi allu bwrw ymlaen â’ch gyrfa gyda ni.

Yn gyfnewid am eich sgiliau a’ch ymrwymiad byddwn yn cynnig ystod o fuddion i chi, gan gynnwys gweithio hyblyg, lwfans gwyliau blynyddol cystadleuol, cynllun pensiwn gyda chyfraniad cyflogwr o 14.6%, buddion teulu, arbedion ffordd o fyw a phecynnau iechyd a lles.

Gellir cael mwy o wybodaeth am ein hystod eang o fuddion gweithwyr yma.

Credwn fod cydbwysedd bywyd a gwaith yn holl bwysig. I’ch cefnogi i gyflawni hyn, bydd gennych fynediad at y buddion dewisol canlynol:

• Gweithio Hybrid: Yn amodol ar fodloni rhai amodau, gallwch ddewis gweithio o’ch cartref neu mewn swyddfa.
• Amser-fflecsi: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth.

Disgrifiad Swydd a Manyleb y Person

Pecyn Gwybodaeth Tîm Ceredigion

Am ragor o wybodaeth, cysylltwch ag Angharad Rees drwy angharad.nofelo.rees@ceredigion.gov.uk

Noder: Cedwir yr hawl i ymestyn y dyddiad cau.