Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Os ydych chi’n cael eich ysgogi trwy ddarparu gwasanaeth cwsmeriaid o’r radd flaenaf ac wedi ymrwymo i wella profiad y cwsmer yna hoffem glywed gennych.

Rydym yn awyddus i recriwtio Swyddog Cyflenwi Gwasanaeth TGCh Iau brwdfrydig i ymuno â’n tîm Cydlynu Technegol TGCh. Yn y rôl hon byddwch yn: 

• Cefnogi systemau TGCh gan gynnwys cyfrifiaduron personol, gliniaduron, iPads, chromebooks ac offer TGCh eraill yn ôl yr angen.
• Sgiliau gwasanaeth cwsmeriaid da.
• Gweithredu fel cymorth llinell gyntaf i ddefnyddwyr y Cyngor.
• Cefnogi staff a disgyblion o fewn Ysgolion Ceredigion a Phowys gyda’u materion TGCh.
• Profiad blaenorol o gefnogaeth TGCh a dealltwriaeth dda o systemau TG a chaledwedd.
• Cymhwyso sgiliau rhesymegol a chreadigol i gefnogi a datblygu’r gwasanaeth.
• Bod yn gwrtais, yn hawdd mynd atynt a bod ag agwedd gadarnhaol.

Bydd disgwyl i chi weithio’n bennaf yng Nghanolfan Rheidol, Aberystwyth neu Benmorfa, Aberaeron tra hefyd yn ymgymryd â rhai dyletswyddau mewn lleoliadau eraill yn ôl yr angen. 

Mae’r gallu i gyfathrebu’n effeithiol trwy gyfrwng y Gymraeg a’r Saesneg yn hanfodol.

Am wybodaeth fanwl am y rôl hon, cyfeiriwch at y Disgrifiad Swydd a’r Fanyleb Bersonol.

Pecyn Gwybodaeth Tîm Ceredigion

Yn gyfnewid am eich sgiliau a’ch diddordeb, byddwn yn cynnig cyfle i weithio mewn sefydliad blaengar ac uchelgeisiol a leolir mewn ardal a gydnabyddir am ei thirluniau syfrdanol. Ar ben hynny, bydd gennych chi:

• Hyd at 34 diwrnod o ddiwrnodau gwyliau blynyddol y flwyddyn (ynghyd â 8 gwyliau cyhoeddus)
• Trefniadau gweithio hyblyg
• Cynllun Pensiwn Llywodraeth Leol
• Cyfleoedd dysgu a datblygu
• Cynlluniau aberthu cyflog, gan gynnwys y cynllun Beicio i’r Gwaith
• Mentrau Iechyd a Lles gan gynnwys aelodaeth ddisgowntiedig i’n canolfannau hamdden lleol
• Talebau gofal plant
• Arbedion arddull bywyd a cherdyn Vivup a llawer mwy.

Am ragor o wybodaeth a / neu drafodaeth anffurfiol ynglŷn â’r swydd, cysylltwch ag Edward Land ar 01970633208 neuedward.land@ceredigion.gov.uk.

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio