Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Ydych chi’n arweinydd gofal cymdeithasol profiadol gyda’r weledigaeth a’r angerdd i ddarparu gofal preswyl o’r safon uchaf?

Rydym yn chwilio am Reolwr Cofrestredig deinamig ac ymroddedig i arwain Hafan y Waun – cartref gofal preswyl sefydledig sy’n canolbwyntio ar ofal tosturiol, urddasol ac sy’n rhoi’r unigolyn yn ganolog i bopeth a wnawn. Byddwch yn darparu arweinyddiaeth glir, yn cefnogi a datblygu staff, ac yn sicrhau cydymffurfiaeth lawn â gofynion Arolygiaeth Gofal Cymru.

Mae hon yn rôl allweddol o fewn Gwasanaethau Uniongyrchol, gan gynnig cyflog cystadleuol, atodiad Grymoedd y Farchnad, cymorth adleoli (os yn berthnasol) a chyfleoedd cryf ar gyfer datblygiad proffesiynol parhaus.

Os oes gennych brofiad sylweddol o reoli cartref gofal preswyl, cymwysterau perthnasol Lefel 5, ac ymrwymiad i arweinyddiaeth o ansawdd uchel – byddem wrth ein bodd yn clywed gennych.

Credwn fod cydbwysedd bywyd a gwaith yn holl bwysig. I’ch cefnogi i gyflawni hyn, bydd gennych fynediad at y buddion dewisol canlynol:

• Gweithio Hybrid: Yn amodol ar fodloni rhai amodau, gallwch ddewis gweithio o’ch cartref neu mewn swyddfa.
• Amser-fflecsi: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth.

Disgrifiad Swydd a Manyleb Person

Pecyn Gwybodaeth Tîm Ceredigion

Cysylltwch â ni

 Am wybodaeth pellach a thrafodaeth anffurfiol ynglŷn â’r swydd hon cysylltwch âNerys Lewis ar Nerys.Lewis2@ceredigion.gov.uk

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.