Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Rydym am recriwtio unigolyn brwdfrydig ac uchel ei gymhelliant i ymuno â Thîm Gorfodaeth Cynllunio newydd y Cyngor yn barhaol, llawn amser. 

Wrth ffurfio rhan o’r Gwasanaeth Rheoli Datblygu, sy’n delio â dyletswyddau a gofynion statudol o dan y Deddfau Cynllunio Gwlad a Thref a deddfwriaeth gysylltiedig arall, byddai deiliad y swydd yn chwarae rôl allweddol wrth fonitro a rheoleiddio datblygiadau ar draws y sir. 

Mae hwn yn gyfnod arbennig o gyffrous i ymuno â’r Gwasanaeth gan ein bod wrthi’n tyfu’r tîm gorfodaeth cynllunio ar hyn o bryd fel y gallwn ddelio’n well ag achosion o dorri rheolaeth gynllunio ledled y Sir, felly beth am ymuno â ni fel rhan o’r bennod newydd hon?

O ddydd i ddydd, byddwch yn:

• Helpu i ddarparu gwasanaeth gorfodi effeithiol, effeithlon, ymatebol ac o ansawdd uchel.
• Ymgymryd ag ymchwiliad effeithlon ac effeithiol i fân achosion o dorri rheolaeth gynllunio yn y Sir a defnyddio ymyriadau gorfodi priodol yn ôl yr angen a;
• Rhoi cymorth i’r Gwasanaeth Rheoli Datblygu ehangach.

Efallai y bydd cyfle hefyd i ddeiliad y swydd ymdrin â man ymholiadau neu ymholiadau cyn ymgeisio gan ddeiliaid tai a cheisiadau cynllunio sy’n deillio o achosion gorfodi, er y byddai’r rhan fwyaf o lwyth achosion deiliad y swydd yn cynnwys ymchwiliadau gorfodaeth cynllunio. 

Rydym am recriwtio unigolyn:

• Gyda gradd neu gyfwerth mewn Cynllunio Gwlad a Thref (neu ddisgyblaeth gysylltiedig) neu gyda chyfuniad cyfatebol o wybodaeth a phrofiad o gynllunio neu orfodi’r gyfraith.
• Gyda’r gallu i gyfathrebu’n ddiduedd, yn broffesiynol ac yn effeithiol gydag ystod eang o bobl ar wahanol lefelau.
• Gyda’r gallu i weithio gyda goruchwyliaeth gyfyngedig ac i weithio yn ôl dyddiadau cau tynn.
• Gyda’r gallu i reoli eu llwyth achosion eu hunain o ymchwiliadau gorfodi yn effeithiol; a
• Gydag ymrwymiad cryf i roi gwasanaeth o ansawdd uchel i’r cyhoedd ac ymrwymiad cryf i foddhad cwsmeriaid.

Mae’r swydd yn gofyn am rywfaint o ruglder yn y Gymraeg. Noder y bydd ymgeisydd llwyddiannus heb y sgiliau Cymraeg angenrheidiol yn cael ei gefnogi’n llawn i gyrraedd y safon ofynnol o fewn dwy flynedd i’w benodi.

Am wybodaeth fanwl am y rôl hon, gweler y Disgrifiad o’r Swydd a Manyleb y Person.

Efallai y dewch chi hefyd o hyd i fwy o wybodaeth ddefnyddiol ar wefan gyrfaoedd y Cyngor. Yma fe gewch chi fanylion mewn perthynas â’r hyn y gallwn ei gynnig a pha fath o ffordd o fyw y gallwch ei ddisgwyl. Yn wir, mae Ceredigion yn cael ei chydnabod fel un o’r lleoedd mwyaf diogel i fyw a gweithio, gyda diwylliant bywiog, ysgolion ardderchog ac arfordiroedd hardd a chefn gwlad tonnog. 

Disgrifiad Swydd a Manyleb Person

Pecyn Gwybodaeth Tîm Ceredigion

Cysylltwch â ni

Am drafodaeth anffurfiol, cysylltwch â Catrin Newbold (Rheolwr Gwasanaeth – Rheoli Datblygu) ar: (01545) 572131.

Noder: Cedwir yr hawl i ymestyn y dyddiad cau.