Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Rydym yn chwilio am unigolyn profiadol, brwdfrydig ac ysgogol i fod yn gyfrifol am reoli’r Uned Gorfforaethol Cludiant Teithwyr (UGCT).  Mae hyn yn cynnwys:

• Gwasanaethau bws lleol
• Cludiant i ddysgwyr
• Cludiant i gleientiaid y Gwasanaethau Cymdeithasol
• Cludiant cymunedol

Bydd y rheolwr yn adross ir Rheolwr Gwasanaeth – Trafnidiaeth a Depos.

Profiad sy’n ofynnol ar gyfer y swydd

• Hyd at bedair blynedd o brofiad rheoli perthnasol yn y maes arbenigol hwn.
• Profiad ymarferol diweddar o reoli arian ac adnoddau dynol.
• Profiad ymarferol diweddar o ymgymryd â phrosesau caffael.
• Profiad ymarferol o reoli timau bach a chanolig ac o gydweithio’n effeithiol â nhw.
• Profiad o reoli newid.
• Profiad ymarferol o ddarparu gwasanaethau drwy bartneriaeth a thrwy gydweithio.

Manylion y swydd

• Yn atebol i’r Rheolwr Gwasanaeth – Trafnidiaeth a Depo, bydd y Rheolwr Trafnidiaeth yn arwain y gwaith o wella gwasanaethau’r Uned Drafnidiaeth Teithwyr Corfforaethol, gan sicrhau bod y gwasanaethau’n ymateb i anghenion defnyddwyr gwasanaeth, cymunedau a blaenoriaethau strategol y Cyngor.
• Bydd deiliad y swydd yn goruchwylio perfformiad gwasanaethau ar draws swyddogaethau trafnidiaeth allweddol, gan sicrhau darpariaeth gwasanaethau o ansawdd uchel, effeithlon a chost-effeithiol o fewn y cyllidebau a gytunwyd. Bydd deiliad y swydd yn cyfrannu at ddatblygu polisïau, paratoi adroddiadau gweithredol, darparu cyngor proffesiynol i uwch reolwyr, a chefnogi prosesau gwneud penderfyniadau.
• Mae’r rôl yn gofyn am weithio’n effeithiol mewn partneriaeth ag adrannau mewnol, sefydliadau allanol, gweithredwyr trafnidiaeth a rhanddeiliaid, gan gynrychioli’r Cyngor mewn fforymau lleol, rhanbarthol a chenedlaethol. Bydd yr ymgeisydd llwyddiannus hefyd yn arwain ac yn cefnogi prosiectau sy’n ymwneud â thrafnidiaeth, yn hyrwyddo arloesedd a gwelliant gwasanaeth, ac yn meithrin diwylliant sy’n croesawu newid, hyblygrwydd a datblygiad parhaus.

Ein cynnig i chi

Mae cyfraniad ein gweithwyr at iechyd, diogelwch a lles ein cymunedau yn amhrisiadwy. Felly, rydym am sicrhau eich bod yn gweld gweithio i Geredigion mor werth chweil â phosibl.

Gyda hynny mewn golwg, rydym yn cynnig amrywiaeth o fuddion cyflogaeth, gan gynnwys:

• Mentrau iechyd a lles, gan gynnwys cymorth ffordd o fyw a chwnsela am ddim
• Cynllun Pensiwn Llywodraeth Leol
• Tâl mamolaeth, mabwysiadu a thadolaeth estynedig
• Cyfleoedd dysgu a datblygu i gefnogi datblygiad gyrfa
• Cynlluniau aberthu cyflog, gan gynnwys y Cynllun Beicio i’r Gwaith

Am ragor o wybodaeth am ein buddion cyflogaeth, cliciwch yma.

Credwn fod cydbwysedd bywyd a gwaith yn holl bwysig. I’ch cefnogi i gyflawni hyn, bydd gennych fynediad at y buddion dewisol canlynol:

• Gweithio Hybrid: Yn amodol ar fodloni rhai amodau, gallwch ddewis gweithio o’ch cartref neu mewn swyddfa.
• Amser-fflecsi: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth.

Disgrifiad Swydd a Manyleb Person

Pecyn Gwybodaeth Tîm Ceredigion

Mae hwn yn gyfle gwych i unigolyn brwdfrydig ymuno â thîm cyfeillgar ac ymroddedig a gwneud gwahaniaeth gwirioneddol.

Am ragor o wybodaeth neu drafodaeth anffurfiol ynglŷn â’r swydd hon, cysylltwch â Nia Barker ar 01545 570 881.

Noder: Cedwir yr hawl i ymestyn y dyddiad cau.