Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Mae Cyngor Sir Ceredigion yn chwilio am Reolwr Corfforaethol – Partneriaeth a Pherfformiad medrus a llawn cymhelliant i chwarae rôl allweddol wrth gefnogi blaenoriaethau strategol y Cyngor a gyrru gwelliant parhaus ar draws gwasanaethau.

Mae hon yn rôl gorfforaethol arwyddocaol sy’n gweithio’n agos gydag uwch arweinwyr, lle byddwch yn rheoli portffolio eang o swyddogaethau ac yn helpu i sicrhau llywodraethu, perfformiad a phartneriaeth gref ar draws y sefydliad, gan gynnwys rôl allweddol wrth gryfhau gwytnwch sefydliadol a pharatoi ar gyfer argyfwng.

Ynglŷn â’r Rôl

Gan adrodd i’r Swyddog Arweiniol Corfforaethol – Polisi, Perfformiad a Diogelu’r Cyhoedd, byddwch yn rheoli swyddogaeth Partneriaeth a Pherfformiad y Cyngor ac yn cefnogi’r gwaith o gyflawni blaenoriaethau corfforaethol.

Fe fyddwch yn:

• Arwain a datblygu tîm amlddisgyblaethol sy’n darparu gwasanaethau corfforaethol allweddol
• Goruchwylio a chydlynu meysydd craidd gan gynnwys:
• Partneriaethau strategol (e.e. Bwrdd Gwasanaethau Cyhoeddus a Diogelwch Cymunedol)
• Perfformiad corfforaethol, cynllunio busnes a hunanasesu
• Cydraddoldeb, ymgysylltu ac ymgynghori
• Cwynion a Rhyddid Gwybodaeth
• Argyfyngau sifil a chynllunio argyfwng, gan gynnwys cydlynu parodrwydd ac ymateb yn ystod digwyddiadau mawr
• Cydlyniant cymunedol ac ailsefydlu ffoaduriaid
• Datblygu polisi, ymchwil a dadansoddi
• Cefnogi’r Swyddog Arweiniol Corfforaethol i lunio polisi a strategaethau er mwyn gwella
• Darparu cyngor proffesiynol i uwch reolwyr, aelodau etholedig a phartneriaid
• Adeiladu perthnasoedd gwaith cryf ar draws gwasanaethau a gyda sefydliadau allanol
• Arwain ar fentrau trawsbynciol ar draws y Cyngor
• Sicrhau cydymffurfiaeth â chyfrifoldebau statudol a fframweithiau llywodraethu

Amdanoch chi

Rydym yn chwilio am reolwr galluog a chydweithredol sy’n gallu gweithredu’n effeithiol mewn amgylchedd sector cyhoeddus cymhleth.

Profiad a Gwybodaeth

• Profiad o reoli timau a gwella gwasanaethau
• Dealltwriaeth gref o lywodraeth leol a chyd-destun gwleidyddol
• Profiad o reoli perfformiad, gweithio mewn partneriaeth a datblygu polisi
• Gwybodaeth am fframweithiau deddfwriaethol a rheoleiddiol perthnasol

Sgiliau a Phriodoleddau

• Sgiliau trefnu ac arwain cryf
• Y gallu i reoli blaenoriaethau cystadleuol a chyflawni i ddyddiadau cau
• Sgiliau cyfathrebu a dylanwadu effeithiol
• Ymrwymiad i gydraddoldeb, cydweithredu a darparu gwasanaethau o ansawdd uchel

Cymwysterau

• Gradd neu brofiad cyfatebol
• Tystiolaeth o ddatblygiad proffesiynol parhaus
• Cymhwyster uwch reolwyr (neu barodrwydd i weithio tuag ato)

Gofynion Eraill

• Sgiliau iaith Gymraeg
• Trwydded yrru lawn
• Swydd sydd wedi’i gyfyngu’n wleidyddol

Pam ymuno â ni?

• I chwarae rôl allweddol wrth gefnogi blaenoriaethau corfforaethol a gwella canlyniadau
• I weithio ar y cyd ar draws gwasanaethau a gydag ystod eang o bartneriaid
• I ddatblygu eich gyrfa mewn awdurdod lleol blaengar
• I fwynhau gweithio’n hyblyg mewn amgylchedd arfordirol unigryw

Credwn fod cydbwysedd bywyd a gwaith yn holl bwysig. I’ch cefnogi i gyflawni hyn, bydd gennych fynediad at y buddion dewisol canlynol:

• Gweithio Hybrid: Yn amodol ar fodloni rhai amodau, gallwch ddewis gweithio o’ch cartref neu mewn swyddfa.
• Amser-fflecsi: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth.

Ymgeisiwch Nawr

Os ydych chi’n rheolwr profiadol gydag angerdd am weithio mewn partneriaeth, gwytnwch sefydliadol a gwella perfformiad, byddem yn croesawu eich cais.

Disgrifiad Swydd a Manyleb Person

Pecyn Gwybodaeth Tîm Ceredigion

Am ragor o wybodaeth, a thrafodaeth anffurfiol ynglŷn â’r swydd hon, cysylltwch â Diana Davies ar diana.davies@ceredigion.gov.uk

Noder: Cedwir yr hawl i ymestyn y dyddiad cau.