Ynglŷn â'r rôl

Rydym yn edrych i recriwtio Uwch Swyddog Seilwaith TGCh (Diogelwch) i ymuno â’r tîm Seilwaith a Diogelwch TGCh. Mae hwn yn gyfle pwysig i gefnogi gallu’r Cyngor i gryfhau ei wydnwch seiber, ei lywodraethiant technegol a’i sicrwydd corfforaethol.

Ynglŷn â’r Rôl

Bydd y rôl yn darparu capasiti penodol i gefnogi Rhaglen Gwydnwch Seiber y Cyngor, gan fynd i’r afael â gweithgareddau a nodwyd drwy asesiadau CAF, argymhellion Archwilio Cymru a blaenoriaethau ehangach o ran risg gorfforaethol. Er bod y swydd yn parhau i fod yn rhan o’r swyddogaeth diogelwch technegol, bydd hefyd yn cyfrannu at weithgareddau sicrwydd a gwydnwch sy’n helpu’r Cyngor i ddeall, rheoli ac adrodd ar ei sefyllfa seiber.

Bydd y swydd yn cefnogi meysydd megis sicrwydd cadwyn gyflenwi a rheoli risg trydydd parti, gwella CAF a rheoli tystiolaeth, llywodraethu asedau a datblygu CMDB HALO, mapio gwasanaethau critigol a dibyniaethau seilwaith, blaenoriaethu adferiad, cynllunio gwydnwch ac adrodd ar sicrwydd seiber.

Bydd y rôl hefyd yn gweithio’n agos gyda CPMP, y Swyddog Diogelu Data, y SIRO, Caffael a Chydnerthedd Sifil er mwyn cefnogi dull mwy integredig o ymdrin â gwydnwch seiber, parhad busnes a sicrwydd sefydliadol. Bydd hyn yn helpu i greu tîm diogelwch mwy gwydn, gyda gwell rhannu gwybodaeth, cysgodi a threfniadau croesglawr rhwng swyddogion diogelwch.

Ynglŷn â’r Ymgeisydd

Bydd gan yr ymgeisydd llwyddiannus brofiad cryf mewn diogelwch TGCh, seilwaith neu rôl arweiniol dechnegol, ynghyd â dealltwriaeth dda o reoli risg, llywodraethu, rheoli asedau a gweithgareddau sicrwydd. Bydd y gallu i weithio gyda thimau technegol a rhanddeiliaid corfforaethol yn hanfodol, gan gynnwys cyfathrebu gwybodaeth dechnegol mewn ffordd glir a defnyddiol.

Rydym yn croesawu ceisiadau gan ymgeiswyr nad ydynt yn siaradwyr Cymraeg. Bydd cefnogaeth lawn yn cael ei chynnig yn ystod oriau gwaith i ymgeiswyr llwyddiannus sydd angen cymorth i ddatblygu eu sgiliau Cymraeg er mwyn cyrraedd y safon ofynnol.

Ein Cynnig i Chi

Rydym wedi ymrwymo i ddatblygu ein pobl a byddwn yn darparu cefnogaeth i’ch galluogi i ymgymryd â meysydd cyfrifoldeb allweddol y swydd yn hyderus, yn ogystal â chefnogi eich datblygiad proffesiynol parhaus.

Yn gyfnewid am eich sgiliau a’ch ymrwymiad, byddwn yn cynnig ystod o fuddion gweithwyr i chi, gan gynnwys cynllun oriau hyblyg, gweithio hybrid, lwfans gwyliau blynyddol cystadleuol, cefnogaeth iechyd a lles i weithwyr, a chynllun pensiwn hael.

• Gweithio Hybrid: Yn amodol ar anghenion gwasanaeth, gallwch weithio o gartref neu o swyddfa.
• Flexi-time: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth.

Cyfweliadau

Bydd manylion y cyfweliadau yn cael eu cadarnhau.

Manylion Ychwanegol

Disgrifiad Swydd a Manyleb Person

Pecyn Gwybodaeth Tîm Ceredigion

Cysylltwch â ni

Am wybodaeth bellach neu drafodaeth anffurfiol ynglŷn â’r swydd hon, cysylltwch â Jason Taylor ar 01970 633295 neu e-bost jason.taylor@ceredigion.llyw.cymru

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.