Ynglŷn â'r rôl

Rydym yn dymuno recriwtio Cymorthydd Gwaith Cymdeithasol brwdfrydig sy’n canolbwyntio ar blant i ymuno â thîm Porth Gofal, Tîm Integredig Derbyn, Brysbennu ac Asesu, i weithio gyda theuluoedd a’u plant. Gan weithio o fewn egwyddorion Deddf Gwasanaethau Cymdeithasol a Llesiant (Cymru) 2014 a Gweithdrefnau Diogelu Cymru, bydd y rôl yn cyfrannu at nodi anghenion, risgiau ac atal, gan sicrhau bod plant a’u teuluoedd yn derbyn y cymorth cywir ar yr adeg gywir.

Bydd y rôl yn cynnwys yn bennaf gwblhau asesiadau cymesur yn unol ag atgyfeiriadau a phryderon diogelu sy’n ymwneud â phlant a theuluoedd. Bydd deiliad y swydd yn casglu ac yn cofnodi gwybodaeth berthnasol, yn darparu cyngor ac arweiniad, ac yn cynorthwyo i adnabod lefelau o angen, risg a bregusrwydd er mwyn cefnogi penderfyniadau gwybodus. Bydd yn gweithio o dan arweiniad y Rheolwr Tîm a’r Ymarferydd Uwch, gan gefnogi cydweithio amlasiantaethol effeithiol gydag addysg, iechyd, yr heddlu, tai a phartneriaid y trydydd sector.

Mae prif swyddogaethau Porth Gofal yn cynnwys:

• Darparu un pwynt mynediad ar gyfer atgyfeiriadau gofal a chymorth.
• Cynnal asesiadau cymesur o angen.
• Adnabod cryfderau, anghenion, risgiau a deilliannau dymunol ar gyfer plant a theuluoedd.
• Darparu gwybodaeth, cyngor a chymorth.
• Cyfeirio unigolion at wasanaethau ataliol, ymyrraeth gynnar a gwasanaethau arbenigol.
• Cefnogi rhannu gwybodaeth amlasiantaethol a gweithio ar y cyd.
• Datblygu pryderon diogelu drwy brosesau statudol priodol.
• Hyrwyddo llesiant, atal, gwydnwch a chanlyniadau cadarnhaol yn unol â Deddf Gwasanaethau Cymdeithasol a Llesiant (Cymru) 2014.

Mae ymrwymiad i feddu ar sgiliau trefnu a chasglu gwybodaeth cadarn, y gallu i flaenoriaethu llwyth gwaith mewn amgylchedd prysur, a chynnal cofnodion cywir i gefnogi penderfyniadau gwybodus yn hanfodol. Yn ogystal, mae ymrwymiad i weithio’n gydweithredol fel rhan o dîm amlasiantaethol, gan ddarparu cyngor, arweiniad a chyfeirio at wasanaethau priodol, tra’n hyrwyddo lles, diogelwch a buddiannau gorau plant a phobl ifanc.

Rydym yn edrych i recriwtio unigolyn sydd â:

• HNC / Cymhwyster Nyrsio / NVQ Lefel 4 mewn Gofal / Diploma Cenedlaethol QCF Iechyd a Gofal Cymdeithasol Lefel 5, K101 neu gymhwyster cyfatebol.
• Gwybodaeth a dealltwriaeth o ddiogelu plant a hyrwyddo eu lles, ynghyd â’r gallu i adnabod a dwysáu pryderon yn briodol.
• Byddai profiad o weithio mewn Gwasanaethau Plant, Tîm Brysbennu, Asesu, Cymorth Cynnar neu Dîm Diogelu yn fantais.

Disgrifiad Swydd a Manyleb Person

Pecyn Gwybodaeth Tîm Ceredigion

Am ragor o wybodaeth, cysylltwch â Caryl Davies ar caryl.davies3@ceredigion.gov.uk neu 01545 572666

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.