Rydym yn gweithredu polisi dwyieithog. Gwahoddir ymgeiswyr i wneud cais yn Gymraeg, ni fydd unrhyw gais a gyflwynir yn Gymraeg yn cael ei drin yn llai ffafriol na chais a wneir yn Saesneg.

Asesydd Budd-dal Tai

Dyddiad Cau: 24/12/2026

Cyfeirnod: REQ106995

37 awr / Parhaol

29,542 - 31,525 *

Canolfan Rheidol, Aberystwyth

*Mae'r gwerthoedd cyflog yn pro-rata.

Ynglŷn â'r rôl

Rydym yn recriwtio Asesydd Budd-daliadau Tai i ymuno â’n gwasanaeth Cyllid a Chaffael ar gytundeb parhaol amser llawn.

Am y Rôl

Rôl yr Asesydd Budd-daliadau Tai yw i delio a phob agwedd ar weinyddu hawliadau Budd-dal Tai, Gostyngiad Treth y Cyngor a Phrydiau Ysgol am Ddim.  Fe fydd hyn yn cynnwys cynnal cofnodion cywir, delio ag ymholiadau a darparu cyngor ac esboniadau i ein cwsmeriaid dros y ffon yn ogystal a chydweithio ag adrannau eraill yr Awdurdod ac aelodau allweddol eraill tu allan i’r Awdurdod.

O ddydd i ddydd byddwch yn:

  • Darparu gwasanaeth o safon gyda lefel uchel o ofal i’m cwsmeriaid
  • Gwirio, asesu a dyfarnu hawliadau Budd-dal Tai, Gostyngiad Treth y Cyngor a Phrydiau Ysgol am Ddim
  • Adennill Budd-dal Tai a ordalwyd yn effeithiol ac yn effeithlon
  • Nodi hawliadau a allai fod yn dwyllodrus a chyfeirio at y gwasanaeth perthnasol i hymchwilio
  • Cadw’n gyfoes a newid deddfwriaeth er mwyn gweinyddu hawliadau Budd-dal Tai, Gostyngiad Treth y Cyngor a Phrydiau Ysgol am Ddim yn gywir
  • Cyrraedd targedau perfformiad a chywirdeb y cytunwyd arnynt

Ein hymgeisydd delfrydol

Rydyn yn edrych i recriwtio unigolyn sydd a:

  • Sgiliau gofal cwsmer a chyfathrebu rhagorol
  • Sgiliau trefnu dda
  • Y gallu i weithio dan bwysau
  • Sgiliau rhifedd, cyfrifyddu, llythrennedd a TG da
  • Yn addasadwy i newid
  • Y gallu i weithio fel rhan o dim ac yn annibynnol
  • Dealltwriaeth o Ddiogelu Data Cyffredinol a gyfrinachedd

Rydym yn croesawu ceisiadau gan y di-Gymraeg. Bydd pob ymgeisydd llwyddiannus sydd angen cymorth i ddysgu/gwella eu sgiliau iaith Gymraeg yn cael cynnig gwersi wedi’u hariannu, yn ystod amser gwaith, i helpu i gyrraedd y safon a ddymunir.

Ein Cynnig i Chi

Rydym wedi ymrwymo i ddatblygu ein pobl a byddwn nid yn unig yn darparu cymorth i’ch galluogi i gymryd perchnogaeth o feysydd cyfrifoldeb allweddol y rôl hon yn gyflym ac yn hyderus ond yn ogystal, rydym wedi ymrwymo i gefnogi eich datblygiad er mwyn i chi allu bwrw ymlaen â’ch gyrfa gyda ni.

Yn gyfnewid am eich sgiliau a’ch ymrwymiad byddwn yn cynnig ystod o fuddion i chi, gan gynnwys gweithio hyblyg, lwfans gwyliau blynyddol cystadleuol, cynllun pensiwn gyda chyfraniad cyflogwr o 14.6%, buddion teulu, arbedion ffordd o fyw a phecynnau iechyd a lles.

Gellir cael mwy o wybodaeth am ein hystod eang o fuddion gweithwyr yma.

Credwn fod cydbwysedd bywyd a gwaith yn holl bwysig. I’ch cefnogi i gyflawni hyn, bydd gennych fynediad at y buddion dewisol canlynol:

  • Gweithio Hybrid: Yn amodol ar fodloni rhai amodau, gallwch ddewis gweithio o’ch cartref neu mewn swyddfa.
  • Amser-fflecsi: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth.

Disgrifiad Swydd a Manyleb Person

Pecyn Gwybodaeth Tîm Ceredigion

Cyfweliadau

Er mwyn lleihau’r tarfu ar ymgeiswyr, bydd cyfweliadau’n cael eu cynnal yn rhithiol. Cynhelir cyfweliadau ar 14.01.2027

Cysylltwch â ni

Am wybodaeth pellach a thrafodaeth anffurfiol ynglŷn â’r swydd hon cysylltwch â Cara Nisbet ar 01970 633199 neu anfonwch e-bost at Cara.Nisbet@ceredigion.gov.uk

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.

Yr hyn a gynigwn

Cydbwysedd bywyd a gwaith

Cynllun cynilo ffordd o fyw

Cynllun pensiwn cyflogwr hael

Cynllun beicio i'r gwaith

Dysgu a datblygu

Lle byddwch yn gweithio

Cyllid a Chaffael

Rydym yn sicrhau bod y Cyngor yn parhau i fod yn gadarn yn ariannol drwy fonitro arian yn ofalus ac yn gyfrifol, caffael corfforaethol effeithiol, talu’n brydlon ac yn gywir o ran asesiadau ariannol / credydwyr a chasglu dyledion / trethiant lleol yn brydlon.

Canolfan Rheidol
Mae ein swyddfa yn Aberystwyth, Canolfan Rheidol, yn adeilad sydd wedi ennill gwobrau. Mae'r swyddfa, gyda'i dyluniad cynllun agored, yn darparu lle rhagorol ar gyfer gweithio ar y cyd.
Darllen mwy
Aberystwyth
Mae Aberystwyth yn dref brifysgol fywiog ac yn gyrchfan glan môr gyda phromenâd a phier. Yn ogystal dyma yw lleoliad y ddrama deledu atmosfferig Y Gwyll. Mae Aberystwyth yn lleoliad delfrydol i archwilio Llwybr Arfordir Cymru ar hyd Bae Cere...
Darllen mwy