Profiad Gwaith

I wneud cais, cwblhewch ein ffurflen gais profiad gwaith a’i hanfon drwy e-bost at: dysgu@ceredigion.gov.uk.

Yn eich cais, dywedwch ychydig wrthym am y math o brofiad rydych chi’n chwilio amdano ac unrhyw feysydd o’r cyngor y mae gennych ddiddordeb arbennig ynddynt. Byddwn yn gwneud ein gorau glas i’ch paru gyda chyfle addas.

Derbynnir ceisiadau drwy gydol y flwyddyn. Rydym yn argymell gwneud cais ymhell cyn eich dewis dyddiadau i ganiatáu amser ar gyfer trefniadau lleoliad.

Noder nad yw cyfleoedd profiad gwaith yn cael eu gwarantu, fodd bynnag, byddwn yn gwneud ein gorau glas i ddarparu ar gyfer eich cais.

Os oes gennych unrhyw gwestiynau neu os oes angen cymorth pellach arnoch, cysylltwch â ni yn: Dysgu@ceredigion.gov.uk.

Nodwch os gwelwch yn dda:

Er bod sawl tebygrwydd, mae cymryd rhan mewn lleoliad profiad gwaith a gwirfoddoli yn wahanol i’w gilydd ac yn cael eu trin fel pethau ar wahân. Fel arfer, gellir nodweddu lleoliad profiad gwaith fel a ganlyn:

• Mae’n aml yn cael ei drefnu drwy ysgol, coleg neu sefydliad Addysg Uwch.
• Caiff ei oruchwylio’n agos gan y sefydliad Addysg Uwch
• Mae fel arfer am dymor byr, yn para am ychydig ddyddiau neu wythnosau
• Mae’n canolbwyntio ar ddysgu ac mae wedi’i gynllunio i ddatblygu sgiliau, arsylwi gweithwyr proffesiynol a deall arferion yn y gweithle.
• Mae’n helpu i ddatblygu sgiliau cyflogadwyedd a gall arwain at eirda neu gall gynnig mewnwelediad i yrfa.

Lle mae gwirfoddoli fel arfer yn cael ei nodweddu gan y ffactorau canlynol:

• Fel arfer, y pwrpas yw gwneud cyfraniad gweladwy i’r gymuned leol, defnyddio sgiliau trosglwyddadwy i helpu neu fod o fudd i eraill, neu i wneud ffrindiau newydd a chefnogi wrth gynnal iechyd corfforol a meddyliol da.
• Fel arfer, yr unigolyn sy’n dewis gwirfoddoli ar ei liwt ei hun, gyda rolau a chyfrifoldebau hyblyg.
• Gall fod am gyfnod byr neu’n weithgaredd untro, ond gall hefyd bara am gyfnodau estynedig – weithiau dros nifer o flynyddoedd.

Os ydych chi’n awyddus i archwilio cyfle gwirfoddoli, cysylltwch â’n tîm adnoddau dynol ar Humanresources@ceredigion.gov.uk.