Ynglŷn â'r rôl

Rydym am recriwtio Ddatblygwr Deallusrwydd Busnes i ymuno â’n Tîm Perfformiad ac Ymchwil yn barhaol, llawn amser.

Rydym yn chwilio am unigolyn i gefnogi swyddogaeth adrodd perfformiad Gwasanaethau Cymdeithasol y Cyngor trwy gynhyrchu adroddiadau perfformiad rheolaidd, datblygu atebion newydd o ran adrodd a chwrdd â gofynion statudol o ran adrodd i Lywodraeth Cymru. Gyda bod yn hyddysg mewn cyfrifiadura i lefel uchel, a gwybodaeth am systemau gwybodaeth busnes, bydd yr ymgeisydd llwyddiannus yn brofiadol mewn cynllunio systemau, technolegau Microsoft a delweddu data.

Bydd y person yr ydym yn chwilio amdano yn chwarae rôl hanfodol wrth gyflwyno’r System Wybodaeth Gofal Cymunedol yng Ngheredigion a Rhaglen Gydol Oed y Cyngor i drawsnewid gwasanaethau cymdeithasol yng Ngheredigion a gwreiddio data yn y broses o wneud penderfyniadau.

O ddydd i ddydd byddwch chi yn:   

• cynhyrchu adroddiadau perfformiad amserol a chywir yn unol â’r Fframwaith Perfformiad a Gwella Cenedlaethol ar gyfer Gwasanaethau Cymdeithasol 
• cynllunio atebion newydd o ran adrodd i fodloni gofynion cenedlaethol a lleol o ran rheoli perfformiad, ceisiadau Rhyddid Gwybodaeth ac ar gyfer gofynion cynllunio busnes
• ymchwilio i atebion technegol newydd at ddibenion Deallusrwydd Busnes i sicrhau bod y Rhaglen Gydol Oed a Lles yn cael ei chefnogi gan fynediad at wybodaeth amserol a chywir
• rhoi mewnbwn arbenigol ar ddatblygu systemau ac adrodd yn ymwneud â’r Rhaglen Gydol Oed a Lles 
• cefnogi arolygiadau rheoleiddiol trwy ddarparu data a gwybodaeth
• cefnogi cydweithwyr ar draws y Rhaglen Gydol Oed a Lles i wneud y defnydd gorau o ddata yn eu gweithgareddau o ddydd i ddydd

Rydym am recriwtio unigolyn gyda:  

• Gradd mewn Systemau Gwybodaeth Busnes, Cyfrifiadureg neu gymhwyster cyfatebol mewn maes cysylltiedig, neu brofiad cyfatebol 
• sgiliau systemau TG rhagorol
• sgiliau rhagorol o ran rhifau 
• sgiliau da o ran rheoli amser  
• deall yn dda faterion diogelwch data a chyfrinachedd 
• yn parchu manylion

Yn ogystal â’r uchod, rydym angen unigolyn sydd â rhywfaint o afael ar y Gymraeg. Bydd ymgeisydd llwyddiannus sydd heb y sgìl ieithyddol ofynnol yn cael ei gefnogi’n llwyr i gyrraedd y safon a ddymunir o fewn dwy flynedd i’r penodiad.

Yn gyfnewid am eich sgiliau a’ch ymrwymiad, byddwn yn cynnig ystod o fuddion i chi fel gweithiwr gan gynnwys cynllun oriau hyblyg, lwfans gwyliau blynyddol hael a chynllun cyfraniadau pensiwn hael. Mae mwy o wybodaeth am ein hystod eang o fuddion i weithwyr i’w gweld yma. Yn ogystal, rydym yn ymroi i ddatblygu ein pobl a byddwn nid yn unig yn rhoi cefnogaeth i’ch galluogi i berchenogi meysydd cyfrifoldeb allweddol y rôl hon yn gyflym ac yn hyderus ond hefyd rydym yn ymroi i gefnogi’ch datblygiad er mwyn ichi allu datblygu eich gyrfa gyda ni.

Disgrifiad Swydd a Manyleb Person 

Am fwy o wybodaeth, cysylltwch â: Lance Achermann, lance.achermann@ceredigion.gov.uk neu 01545 572665 

Cynhelir cyfweliadau: 10/05/2024

Noder: Cedwir yr hawl i ymestyn y dyddiad cau.