Ynglŷn â'r rôl

Gall yr ymgeisydd llwyddiannus fod yn gymwys i hyd at uchafswm o £8,000 (gan gynnwys TAW) tuag at gost y treuliau a dynnir oherwydd adleoli i Geredigion.

Am fwy o wybodaeth, anfonwch e-bost at adnoddaudynol@ceredigion.gov.uk. Am fwy o wybodaeth am sir Ceredigion a’r ffordd o fyw ragorol y mae’n ei gynnig, cliciwch yma.

Rydym ni’n chwilio am Uwch Beiriannydd Strwythurol i arwain y Tîm Dylunio Asedau o dan gyfarwyddyd cyffredinol y Rheolwr Asedau a Dylunio. Bydd yr ymgeisydd llwyddiannus yn cydlynu llwyth gwaith y tîm ac yn darparu arbenigedd i’r Gwasanaeth ym maes Peirianneg Sifil a Chynnal a Chadw Asedau.

Bydd gan yr ymgeisydd llwyddiannus radd berthnasol a/neu yn aelod Corfforedig o Sefydliad Proffesiynol perthnasol gan feddu ar brofiad amlwg mewn dylunio dur, concret, coed a gwaith maen.

Bydd yr ymgeisydd llwyddiannus yn meddu ar o leiaf 3 blynedd o brofiad yn y broses Dylunio Peirianyddol Sifil neu’n medru profi gwaith ym maes rheoli a rheoli ariannol (hyd at £2m) o ran cynlluniau adeiladu mawr a bach.

Yn ogystal â’r uchod, rydym yn gofyn am unigolyn sydd â rhywfaint o ruglder yn y Gymraeg. Bydd ymgeisydd llwyddiannus heb y sgil Gymraeg ofynnol yn cael cefnogaeth lawn i gyrraedd y safon a ddymunir cyn pen dwy flynedd o’i benodi. 

Yn gyfnewid am eich sgiliau a’ch ymrwymiad, byddwn yn cynnig ystod o fuddion gweithwyr i chi gan gynnwys cynllun oriau hyblyg, lwfans gwyliau blynyddol cystadleuol a chynllun cyfraniadau pensiwn hael. Mae mwy o wybodaeth am ein hystod eang o fuddion gweithwyr i’w gweld yma. Yn ogystal, rydym wedi ymrwymo i ddatblygu ein pobl a byddwn nid yn unig yn darparu cefnogaeth i’ch galluogi i gymryd perchnogaeth yn gyflym ac yn hyderus o feysydd cyfrifoldeb allweddol y rôl hon ond ar ben hynny, rydym wedi ymrwymo i gefnogi’ch datblygiad er mwyn i chi allu symud ymlaen â’ch gyrfa gyda ni. 

Disgrifiad Swydd a Manyleb Person

Os dymunwch fod angen unrhyw wybodaeth bellach am y rôl hon, cysylltwch ag Owen Stephens: Owen.Stephens@ceredigion.gov.uk

Noder: Cedwir yr hawl i ymestyn y dyddiad cau.