Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Mae swydd wedi codi i benodi Prif Swyddog Cofrestru a Seremoniau – cyfle sydd ddim yn codi’n aml. 

Ynghylch y rôl

Rydym yn chwilio am berson hyderus, brwdfrydig a dibynadwy i ymuno â’n tîm cyfeillgar i helpu arwain a datblygu’n gwasanaeth cofrestru sy’n perfformio’n uchel ac sy’n rhoi pwyslais ar y cwsmer.

Fe fydd prif ddyletswyddau’r swydd yn cynnwys cofrestru genedigaethau a marwolaethau yn ogystal ag arwain a chofrestru priodasau a phartneriaethau sifil. Wrth weithio gyda’r Cofrestrydd Arolygol, fe fydd yr ymgeisydd llwyddiannus yn goruchwylio ac yn cefnogi aelodau o’r tîm i sicrhau bod pob cofrestriad yn cael eu cwblhau’n gywir ac yn unol â’r gofynion cyfreithiol.

Bydd y rôl amrywiol yn rhoi boddhad a byddwch yn gweithio gyda’r cyhoedd ar adegau nodedig yn eu bywydau – mae pob diwrnod yn wahanol.

Amdanoch chi

Rhaid i’r Prif Swyddog Cofrestru a Seremoniau;

• feddu ar sgiliau rhagorol o ran cyfathrebu, trefnu ac ymdrin â chwsmeriaid
• bod a phrofiad cryf o arwain ac o reoli pobl
• gweithio’n gywir gan roi sylw i fanylder
• meddu ar sgiliau cyfrifiadurol da.

Nid oes rhaid cael profiad blaenorol o weithio mewn gwasanaeth cofrestru oherwydd rhoddir hyfforddiant llawn a pharhaus.

Oherwydd disgwyliadau’r rôl mae’n hanfodol fod yr ymgeisydd llwyddiannus yn gallu cyfathrebu’n rhugl yn Gymraeg a Saesneg.

Bydd gofyn i’r ymgeisydd llwyddiannus fynychu seremonïau mewn lleoliadau amrywiol ledled Ceredigion felly mae’n rhaid iddo/iddi fod â cherbyd ei hun. 

Disgwylir i’r ymgeisydd llwyddiannus fod ar gael i weithio’n rheolaidd ar ddydd Sadwrn, dydd Sul a gwyliau banc, ar sail rota yn ddibynnol ar ofynion y gwasanaeth. Rhoddir tâl ychwanegol neu amser o’r gwaith yn lle tâl am yr oriau ychwanegol hyn.

Disgrifiad Swydd a Manyleb Person

Pecyn Gwybodaeth Tîm Ceredigion

Am drafodaeth anffurfiol ynglŷn â’r swydd, cysylltwch â Rhiannon Pugh (Cofrestrydd Arolygol) ar Rhiannon.Pugh@ceredigion.gov.uk

Cynhelir y cyfweliadau ar y 26 ain o Fai 2026. 

Noder: Cedwir yr hawl i ymestyn y dyddiad cau.

Bydd angen gwiriad DBS ar gyfer y rôl hon. Sylwch nad yw presenoldeb euogfarnau blaenorol o reidrwydd yn anghymhwyso ymgeisydd rhag cael ei ystyried ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle mae pob unigolyn yn cael ei drin yn deg a chyda pharch. Os oes gennych unrhyw bryderon neu gwestiynau ynghylch y broses hon, mae croeso i chi gysylltu â ni i gael eglurhad. Mae eich preifatrwydd a’ch urddas o’r pwys mwyaf i ni drwy gydol y broses recriwtio.