Ynglŷn â'r rôl

Rydym yn chwilio am Gydlynydd Dynodedig (DESCo) creadigol a brwdfrydig, sydd â phrofiad blaenorol o weithio o fewn maes gweinyddol ADY, i ymuno â’r tîm ADY, Lles a Chynhwysiant yng Ngheredigion.

Mae’r rôl Cydlynydd Dynodedig (DESCo) yn hanfodol i sicrhau bod yr Awdurdod Lleol yn cydymffurfio’n llawn â’i ddyletswyddau statudol o dan Ddeddf Anghenion Dysgu Ychwanegol a Thribiwnlys (Cymru) 2018 (ALNET). Bydd deilydd y swydd yn darparu cyngor, arweiniad a chefnogaeth broffesiynol i deuluoedd, ysgolion ac asiantaethau allanol, gan sicrhau bod dysgwyr ag ADY yn derbyn cymorth amserol, cydlynol ac o ansawdd uchel.

Bydd yr ymgeisydd llwyddiannus yn:

• hyrwyddo dealltwriaeth a gweithrediad effeithiol Cod ADY Cymru, drwy gyfathrebu dwyieithog effeithiol yn fewnol ac yn allanol
• cydlynu cyfarfodydd person-ganolog aml-asiantaethol
• datblygu, craffu ar a chefnogi gweithredu Cynlluniau Datblygu Unigol (CDUau) statudol
• monitro arferion cynhwysol a sicrhau eu bod wedi’u hymgorffori’n gyson ar draws lleoliadau addysg
• hyrwyddo llais y plentyn a’r teulu, gan hwyluso cyfathrebu effeithiol, cefnogi datrys gwrthdaro, a meithrin perthnasoedd cryf gydag ystod eang o randdeiliaid

Yn ogystal â chymorth uniongyrchol, bydd deilydd y swydd yn:

• cadw cofnodion cywir a chyfredol
• monitro ac adolygu effaith darpariaeth ADY
• cydlynu atgyfeiriadau ysgolion ar gyfer cymorth ychwanegol
• sicrhau bod holl wariant arian grant gan yr Awdurdod Lleol a Llywodraeth Cymru yn cydymffurfio’n llawn â’r telerau, amodau a gofynion adrodd statudol
• trefnu paneli gwneud penderfyniadau a phaneli cymedroli mewnol, a lledaenu penderfyniadau’n briodol
• cyfrannu at gynllunio strategol y gwasanaeth drwy nodi bylchau a rhwystrau, lleihau dibyniaeth ar gyfathrebu adweithiol, a modelu arfer gorau ar gyfer staff ysgolion a swyddogion yr awdurdod lleol
• rheoli lefelau uchel o gyfathrebu drwy gydweithio’n effeithiol â thimau mewnol ac asiantaethau allanol, gan sicrhau bod pob lleoliad addysg, gan gynnwys rhai y tu allan i’r sir, yn bodloni’r anghenion a nodir yn y CDUau ac yn cyflawni’r rhwymedigaethau statudol

Credwn fod cydbwysedd bywyd a gwaith yn holl bwysig. I’ch cefnogi i gyflawni hyn, bydd gennych fynediad at y buddion dewisol canlynol:

• Gweithio Hybrid: Yn amodol ar fodloni rhai amodau, gallwch ddewis gweithio o’ch cartref neu mewn swyddfa.
• Amser-fflecsi: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth.

Rydym yn croesawu ceisiadau gan ymgeiswyr sy’n ceisio secondiad. Argymhellir gofyn am ganiatâd rheolwr llinell/cyflogwr cyn gwneud cais i sicrhau y gallwch ddychwelyd i’ch swydd barhaol unwaith y bydd y secondiad wedi dod i ben.

Disgrifiad Swydd a Manyleb Person

Pecyn Gwybodaeth Tîm Ceredigion

Cysylltwch â ni

Am wybodaeth pellach a thrafodaeth anffurfiol ynglŷn â’r swydd hon cysylltwch â Angharad Welsby ar Angharad.Welsby@ceredigion.gov.uk

Noder: Cedwir yr hawl i ymestyn y dyddiad cau.