Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Ydych chi’n edrych am gyfle cyffrous i ddysgu wrth i chi weithio a chael profiad a fydd yn hwb i yrfa ym maes TGCh?

Rydym yn chwilio am Brentis i ymuno â’n tîm TGCh prysur sydd wedi ei leoli’n bennaf yng Nghanolfan Rheidol. Byddech yn gweithio ochr yn ochr â chydweithwyr profiadol, gan ddarparu’r gefnogaeth flaenaf i weithwyr y Cyngor sy’n defnyddio’n system gofnodi fewnol wrth geisio cefnogaeth.

Mae hon yn rôl sy’n datblygu ac o’r herwydd, fe fydd y cyfrifoldebau yn cynyddu wrth i chi gynyddu o ran profiad. Byddwch yn derbyn cefnogaeth gan gydweithwyr profiadol, er mwyn datblygu eich sgiliau i allu cyflawni’r canlynol yn effeithiol:

• Cefnogi systemau TGCh, gan gynnwys rhwydweithiau, gweinyddwyr, cyfrifiaduron personol, gliniaduron, iPads ac offer TGCh arall, yn ôl yr angen.
• Gweithredu fel y rhai sy’n darparu’r gefnogaeth flaenaf i ddefnyddwyr TG a hynny dros y ffôn, o bell ac wyneb yn wyneb.
• Cymhwyso medrau rhesymegol a chreadigol i gefnogi a datblygu systemau.
• Cyflwyno gwasanaeth o’r radd flaenaf i gwsmeriaid ac ymrwymo i wella’r profiad i’r cwsmer.

Y Brentisiaeth

Bydd eich prentisiaeth yn para am 21 mis ac, ar ôl cwblhau’r rhaglen, byddwch yn ennill Diploma Lefel 3 – Peiriannydd Seilwaith Digidol. Bydd yr hyfforddiant yn cael ei ddarparu drwy gyfuniad o weithdai oddi ar y safle (a allai olygu teithio o bryd i’w gilydd), dysgu ar-lein, a hyfforddiant yn y gweithle.

Rydym yn chwilio am:

• Rywun sy’n ffynnu wrth weithio fel rhan o dîm ac sy’n ddigon dyfeisgar i weithio’n annibynnol wrth gynyddu mewn hyder. Bydd gennych fedrau TG cadarn a medrau datrys problemau creadigol, gan roi sylw heb ei ail i fanylion.
• Mae’r gallu i gyfathrebu’n effeithiol drwy gyfrwng y Gymraeg a’r Saesneg yn hanfodol.
• Bydd angen 4 TGAU (neu gymwysterau cyfatebol), gan gynnwys Mathemateg a Chymraeg neu Saesneg Gradd C neu uwch).
• Bydd angen y brwdfrydedd a’r egni i ymgymryd â datblygiad proffesiynol yn y gwaith.
• Ni roddir ystyriaeth i geisiadau gan y sawl sydd eisoes wedi ennill gradd mewn TGCh.

Mae hwn yn gam rhagorol tuag at wneud y gorau o’r cyfleoedd gyrfa yn y Cyngor a datblygu sail gadarn o ran medrau cefnogi TGCh.

Disgrifiad Swydd a Manyleb Person

Pecyn Gwybodaeth Tîm Ceredigion

Gellir dod o hyd i fanylion pellach am y brentisiaeth yma:-
Peiriannydd Seilwaith Digidol Lefel 3 – Cymhwyster | GCS

Am fwy o wybodaeth, cysylltwch â: Edward Land – 01970633208 / edward.land@ceredigion.gov.uk

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.