Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Mae cyfle wedi codi o fewn Gwasanaeth Cymorth Gwasanaethau Corfforaethol y Cyngor i Uwch Swyddog Cymorth i’r Gwasanaethau gael ei recriwtio i’r strwythur. Bydd y rôl ran-amser, cyfnod penodol hwn yn darparu swyddogaeth cymorth gweinyddol a bydd yn cynnwys gweithio fel rhan o dîm, o fewn Swyddfa’r Crwner. Mae’n ddyletswydd ar y Crwner i ymchwilio i rai marwolaethau anesboniadwy. 

Bydd gofyn i ddeiliad y swydd weithio yn y swyddfa yng Nghanolfan Rheidol – Aberystwyth ac i weithio oriau cytunedig arnynt ar draws yr wythnos waith. Mae hon yn gwasanaeth prysur a bydd disgwyl i’r ymgeisydd llwyddiannus weithio o fewn amgylchedd gwaith traddodiadol sy’n seiliedig ar bapur yn ogystal ag amgylchedd gwaith digidol modern.

Ynglŷn â’r rôl:

Mae prif ddyletswyddau’r rôl yn cynnwys:

• Gweithredu fel y pwynt cyswllt cyntaf ar gyfer Swyddfa’r Crwner ac ymdrin â phob ymholiad e.e. ymholiadau yn ymwneud â chwestau.
• Cysylltu ag ystod eang o bartïon gan gynnwys teuluoedd mewn profedigaeth; tystion; Swyddogion Profedigaeth Ysbyty; meddygon; labiau patholeg; technegwyr post-mortem; Ymgymerwyr; Cofrestryddion a’r heddlu fel rhan o’r rôl.
• Delio ag atgyfeiriadau o Ysbyty Bronglais, Meddygfeydd, yr Arholwr Meddygol a’r Cofrestrydd Genedigaethau, Priodasau a Marwolaethau.
• I baratoi a gwirio, yn ôl yr angen ymlaen llaw, ystod o ffurflenni wedi’u cwblhau ar gyfer y Crwner, sy’n gofyn am lofnod y Crwner e.e. cofrestru marwolaeth, claddu, neu amlosgi ac ati, gan sicrhau bod y gweithdrefnau statudol cywir yn cael eu dilyn.
• Cynorthwyo i lunio, cynnal a diweddaru cofrestrau perthnasol a diweddaru dogfennau swyddogol Llys y Crwner yn gywir.
• Cofnodi, tynnu, dadansoddi a chyflwyno gwybodaeth am system rheoli achosion, gan gynnwys marwolaethau yr adroddwyd amdanynt sy’n cael eu cyfeirio gan Swyddogion y Crwner, ynghyd â gwaith papur perthnasol, gan gynnwys adroddiadau marwolaeth sydyn ac atgyfeiriadau gan y Gwasanaeth Arholwr Meddygol.

Ynglŷn â’r ymgeisydd:

Rydym yn chwilio am ymgeisydd a addysgir i NVQ 4 mewn Gweinyddu Busnes neu gyda phrofiad cyfatebol. Bydd profiad o weithio mewn lleoliad gweinyddol hefyd yn hanfodol gan gynnwys sgiliau cymryd cofnodion da a theipio sain. Bydd disgwyl i’r ymgeisydd ddelio â sefydliadau allanol ac aelodau o’r cyhoedd a bydd angen i’r unigolyn darparu cymorth a deall pwysigrwydd darparu gwasanaeth da i gwsmeriaid.  Oherwydd natur y Gwasanaeth, mae’n rhaid i’r unigolyn allu trin gwybodaeth sensitif, cyfrinachol ac a allai beri gofid gyda phroffesiynoldeb ac aeddfedrwydd.

Byddai’r cyfle yn addas i rywun sydd ag ymagwedd drefnus at waith, sylw rhagorol i fanylion a bod ganddynt sgiliau TG rhagorol, gan gynnwys profiad o reoli cronfeydd data.

Disgrifiad Swydd a Manyleb Person

Pecyn Gwybodaeth Tîm Ceredigion

Am fwy o wybodaeth, cysylltwch ag: Anwen Thomas anwen.thomas3@ceredigion.gov.uk

Noder: Cedwir yr hawl i ymestyn y dyddiad cau.