Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Rydym am recriwtio Swyddog Cynhwysiant Addysg i ymuno â’n Gwasnaeth Cynhwysiant Addysg ar cytundeb i gyflenwi dros gyfnod mamolaeth.

Mae hyn yn gyfle gwych i unigolyn brwdfrydig ymuno gyda thîm egniol i gefnogi lles, presenoldeb a deilliannau disgyblion Ceredigion. Yn rhan o’ch dyletswyddau, mi fyddwch yn sicrhau bod yr awdurdod a’i ysgolion yn cadw at cyfrifoldebau statudol yng nghyswllt presenoldeb yn yr ysgol a materion cysylltiedig. Mi fyddwch hefyd yn cefnogi ysgolion, plant a’u theuluoedd drwy sicrhau fod pob disgybl yn mynychu’r ysgol yn rheolaidd.

O ddydd i ddydd byddwch yn:

• herio a chefnogi ysgolion unigol yng nghyswllt presenoldeb disgyblion a rhoi cyngor ar arfer dda
• cefnogi rhieni i gyflawni eu dyletswydd cyfreithiol yng nghyswllt addysg eu plentyn (plant)
• ymgymryd a gwaith achos gyda disgyblion a rhieni
• gweithio gydag adrannau ac asiantaethau eraill fel y bo angen
• ymgymryd a maes gwaith arbenigol ar ran y gwasanaeth (fel y cytunwyd gan y reolwr llinell)

Rydym am recriwtio unigolyn sydd a’r sgiliau canlynol:

• medru gweithio ar ben eich hun a blaenoriaethu baich gwaith
• yn drefnus a medru dadansoddi data ac ysgrifennu adroddiadau cryno
• parodrwydd i herio ysgolion yng nghyswllt gweithredu arfer dda
• parodrwydd i herio agweddau a all effeithio ar hawl y plentyn i addysg gyflawn ac effeithiol a defnyddio ymyrraeth gyfreithiol, os oes angen
• medru gweithio yn effeithiol o fewn cyd-destun amlasiantaethol yn ol yr angen
• sgiliau cyfathrebu ardderchog, yn llafar ac yn ysgrifenedig

Yn ogystal â’r uchod, rydym yn gofyn am unigolyn sydd â lefel o ruglder yn y Gymraeg.

Yn gyfnewid am eich sgiliau a’ch ymrwymiad, byddwn yn cynnig ystod o fuddion gweithwyr i chi gan gynnwys cynllun oriau hyblyg, lwfans gwyliau blynyddol cystadleuol a chynllun cyfraniadau pensiwn hael.

Mae mwy o wybodaeth am ein hystod eang o fuddion gweithwyr i’w gweld yma.

Yn ogystal, rydym wedi ymrwymo i ddatblygu ein pobl a byddwn nid yn unig yn darparu cefnogaeth i’ch galluogi i gymryd perchnogaeth yn gyflym ac yn hyderus o feysydd cyfrifoldeb allweddol y rôl hon ond yn ogystal, rydym wedi ymrwymo i gefnogi’ch datblygiad er mwyn i chi allu symud ymlaen â’ch gyrfa gyda ni.

Disgrifiad Swydd a Manyleb Person

Pecyn Gwybodaeth Tîm Ceredigion

Os hoffech wybodaeth bellach am y rôl hon, cysylltwch â Catrin Petche – Arweinydd Tîm Gwasanaeth Cynhwysiant Addysg: Catrin.Petche@ceredigion.gov.uk

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.