Rydym yn gweithredu polisi dwyieithog. Gwahoddir ymgeiswyr i wneud cais yn Gymraeg, ni fydd unrhyw gais a gyflwynir yn Gymraeg yn cael ei drin yn llai ffafriol na chais a wneir yn Saesneg.

Swyddog Cymorth i Wasanaethau

Dyddiad Cau: 20/12/2026

Cyfeirnod: REQ106843

37 awr / Parhaol

26,427 - 26,847 *

Penmorfa, Aberaeron

*Mae'r gwerthoedd cyflog yn pro-rata.

Ynglŷn â'r rôl

Mae cyfle llawn amser wedi dod ar gael yn y Tîm Cymorth Corfforaethol i Wasanaethau. Mae’r Gwasanaeth Cefnogi Corfforaethol yn darparu cefnogaeth weinyddol i bob rhan o’r Cyngor, ond bydd y rôl hon yn bennaf yn darparu cefnogaeth i’r gwasanaeth Rheoli a Datblygu Asedau, o fewn Uned Twf a Menter y Cyngor Sir, sy’n ymwneud â defnydd tir ac adeiladau sy’n eiddo i’r Cyngor. Bydd hefyd gyfle i gynorthwyo’r gwasanaeth Twf a Menter ehangach pan fo angen.

Am y rôl:

Mae’r rôl yn gofyn am ddefnydd rheolaidd o systemau meddalwedd, gan gynnwys Civica Financials, Civica Purchasing, Asset Manager a Microsoft 365, yn benodol Excel, Outlook a Microsoft Teams. Bydd cynnal cofnodion a chronfeydd data electronig cywir, echdynnu gwybodaeth o daenlenni a systemau CRM, a chynhyrchu dogfennau o safon broffesiynol uchel gyda chywirdeb a sylw i fanylion yn hanfodol i’r swydd. Bydd gwybodaeth ymarferol dda o Excel ar gyfer creu, fformatio a hidlo taenlenni yn hanfodol.

Mae’r rôl yn cefnogi ceisiadau i ddefnyddio tir ac eiddo’r Cyngor, gan wirio bod y ddogfennaeth yn gyflawn ac yn cyrraedd y safon ofynnol cyn iddi gael ei hadolygu. Yn dilyn cymeradwyaeth, bydd deiliad y swydd yn paratoi ac yn cyhoeddi trwyddedau ac yn diweddaru’r cofnodion perthnasol.

Fel pwynt cyswllt cyntaf, bydd deiliad y swydd yn monitro ac yn ymateb i gyfathrebiadau drwy Outlook a system Gwasanaethau Cwsmeriaid y Cyngor, CLIC, yn cydnabod derbyn gohebiaeth, yn cofnodi cyfnewidiadau ac yn cyfeirio ymholiadau at y swyddogion neu wasanaethau perthnasol o fewn y Cyngor.

Am yr Ymgeisydd:

Rydym yn chwilio am unigolyn brwdfrydig ac uchel ei gymhelliant gydag o leiaf 3 blynedd o brofiad yn gweithio mewn lleoliad awdurdod lleol neu weinyddol, ynghyd ag o leiaf 5 TGAU neu gymhwyster cyfwerth. Bydd yr ymgeisydd llwyddiannus yn rhagweithiol, gyda sgiliau gweinyddol, trefnu, cyfathrebu a gwasanaeth cwsmeriaid cryf. Bydd yn gallu blaenoriaethu llwyth gwaith, trin gwybodaeth gyfrinachol yn briodol, gweithio’n annibynnol ac mewn partneriaeth ag eraill, cefnogi cydweithwyr, a meithrin perthnasoedd gwaith cadarnhaol gyda chydweithwyr a chwsmeriaid er mwyn darparu gwasanaeth o ansawdd uchel.

Byddai cefndir mewn eiddo yn fantais amlwg.

Ein cynnig i chi:

Rydym wedi ymrwymo i ddatblygu ein pobl a byddwn nid yn unig yn darparu cefnogaeth i’ch galluogi i gymryd perchnogaeth yn gyflym ac yn hyderus o feysydd cyfrifoldeb allweddol y rôl hon, ond yn ogystal, rydym wedi ymrwymo i gefnogi eich datblygiad er mwyn i chi allu symud ymlaen â’ch gyrfa gyda ni.

Yn gyfnewid am eich sgiliau a’ch ymrwymiad, byddwn yn cynnig ystod o fuddion i weithwyr, gan gynnwys gweithio hybrid, lwfans gwyliau blynyddol cystadleuol a chynllun cyfraniadau pensiwn hael. Mae rhagor o wybodaeth am ein hystod eang o fuddion gweithwyr ar gael yma.

Cynhelir cyfweliadau wythnos ddechrau 04/01/2027.

Disgrifiad Swydd a Manyleb Person

Pecyn Gwybodaeth Tîm Ceredigion

Am fwy o wybodaeth, cysylltwch â Keith Dale – keith.dale@ceredigion.gov.uk

Noder:

  • Cedwir yr hawl i ymestyn y dyddiad cau.
  • Ni ddylai ymgeiswyr blaenorol wneud cais eto.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.

Yr hyn a gynigwn

Cydbwysedd bywyd a gwaith

Cynllun cynilo ffordd o fyw

Cynllun pensiwn cyflogwr hael

Cynllun beicio i'r gwaith

Dysgu a datblygu

Lle byddwch yn gweithio

Gwasanaethau Democrataidd

Rydym yn chwarae rhan allweddol yn sicrhau rheolaeth esmwyth ac effeithlon ar broses gwneud penderfyniadau’r Cyngor, gan gynnwys cefnogaeth a chyngor i Gynghorwyr; Cefnogaeth PA, gweinyddol a rheoli prosiect i bob maes gwasanaeth; hwyluso etholiadau; tim cyfathrebu; cyfieithu a swyddog polisi Iaith Gymraeg. Mae ein prif swyddogaethau yn cynnwys

  • Cefnogaeth Gwasanaeth Corfforaethol: PA a chefnogaeth weinyddol; Cymorth busnes gan gynnwys rheoli prosiect a chymryd cofnodion.
  • Gwasanaethau Democrataidd: Cynghorwyr; Pwyllgorau a Phwyllgorau Rheoleiddio Cyngor, Cabinet, Trosolwg a Chraffu.
  • Gwasanaethau Etholiadol: Etholiadau cyffredinol a lleol; Rheoli’r gofrestr etholiadol.
  • Tim Cyfathrebu: Rheoli gweithgareddau cyfathrebu yn gorfforaethol; rhoi cymorth i wasanaethau mewn ymgyrchoedd a phrosiectau; delio â’r wasg a’r cyfryngau; datblygu a chyhoeddi datganiadau i’r wasg; rheoli tudalennau cyfryngau cymdeithasol.
  • Cyfieithi: Dogfennau a chyfieithu ar y pryd.
  • Safonau’r Iaith Cymraeg: Gweithredol; Llunio polisi; Hyrwyddo; Monitro; Darparu gwasanaeth.
Penmorfa
Penmorfa yw ein swyddfa fwyaf canolog, dyma lle mae ein Prif Weithredwr a'n Cynghorwyr wedi'i leoli. 
Darllen mwy
Aberaeron
Mae Aberaeron yn dref harbwr brydferth ac mae'n un o gyrchfannau gwyliau mwyaf poblogaidd Ceredigion gyda llefydd poblogaidd i aros a bwyta.
Darllen mwy