Ynglŷn â'r rôl

Fel rhan o swyddogaeth Cymorth Gwasanaethau Corfforaethol y Cyngor, mae cyfle wedi codi i benodi rôl Gweinyddydd Cymorth i’r Gwasanaethau o fewn y strwythur. Mae Cymorth Gwasanaethau Corfforaethol yn darparu cymorth gweinyddol ar draws pob maes Gwasanaeth o fewn y Cyngor. Bydd angen y rôl hon i ddarparu swyddogaeth cymorth gweinyddol ystwyth ar draws y canolfannau Gwasanaeth Dydd Arbenigol sydd wedi’u lleoli yn Aberystwyth, Llanbedr Pont Steffan ac Aberteifi. 

Mae Gwasanaethau Dydd Ceredigion yn rhan o’r ddarpariaeth gofal cymdeithasol i oedolion, gan ddarparu gofal a chymorth yn ystod y dydd i oedolion ag anghenion gofal a chymorth. Mae’r gwasanaeth yn cyfrannu at gynnal annibyniaeth unigolion ac yn darparu mynediad at gymorth a gweithgareddau cymdeithasol priodol. Mae cymorth gweinyddol yn helpu i ategu gweithrediad effeithiol y ddarpariaeth hon o ddydd i ddydd. 

Ynglŷn â’r rôl: 

Bydd prif gyfrifoldebau’r rôl yn cynnwys: 

• Rheoli gohebiaeth sy’n dod i mewn ac allan, gan gynnwys e-bost, ffôn a chyfathrebiadau ysgrifenedig, a goruchwylio cyfrifon e-byst, gan sicrhau bod ymholiadau’n cael eu trin a’u cyfeirio’n briodol. 
• Cadw cofnodion cyfredol o ddefnyddwyr gwasanaeth, gan gynnwys ffeilio a chreu ffeiliau ar gyfer defnyddwyr gwasanaeth newydd. 
• Prosesu ymholiadau sy’n ymwneud â defnyddwyr gwasanaeth newydd a phresennol. 
• Cynnal cofnodion cronfa ddata electronig a mewnbynnu ac echdynnu gwybodaeth o systemau TG.  
• Ymgymryd â dyletswyddau archifo yn unol â gweithdrefnau’r Cyngor. 
• Cofnodi cyfarfodydd staff yn ôl yr angen. 
• Delio â gohebiaeth ar gyfer y gwasanaeth a chadw rhestrau cyswllt yn gyfredol. 
• Darparu cymorth ar y broses archebu prynu ar gyfer y gwasanaeth. 

Ynglŷn â’r Ymgeisydd: 

Rydym yn chwilio am berson sy’n broffesiynol, yn hygyrch ac yn hyblyg, gyda’r gallu i gynnal cywirdeb a chyfrinachedd tra’n darparu gwasanaeth cymorth gweinyddol dibynadwy ac ymatebol mewn amgylchedd canolfan ddydd sy’n canolbwyntio ar y person. Rhaid i chi fod â chymwysterau priodol gyda 5 TGAU neu gyfwerth, gan gynnwys Saesneg a Mathemateg gradd C neu uwch. Bydd angen sgiliau gweinyddol a TG cryf arnoch, ynghyd â dull trefnus at waith a sylw rhagorol i fanylion. 

Bydd disgwyl i’r ymgeisydd llwyddiannus ddarparu cymorth gweinyddol o ansawdd uchel mewn amgylchedd gwasanaeth dydd prysur. Bydd angen i chi fod yn hyderus wrth reoli llwyth gwaith amrywiol, blaenoriaethu gofynion cystadleuol a sicrhau bod gwybodaeth, cofnodion, gohebiaeth a phrosesau gweinyddol yn cael eu trin yn gywir ac o fewn amserlenni gofynnol. 

Bydd sgiliau cyfathrebu a rhyngbersonol rhagorol yn bwysig. Bydd y rôl yn cynnwys gweithio ochr yn ochr â gwasanaethau sy’n cefnogi pobl ag anableddau dysgu. Dylai’r ymgeisydd llwyddiannus felly fod yn gyfforddus yn gweithio mewn amgylchedd gwasanaeth lle gall unigolion sy’n cael mynediad at gymorth, eu teuluoedd, ymwelwyr a gweithwyr proffesiynol fod yn rhan o’u cyswllt o ddydd i ddydd. Byddai profiad blaenorol mewn gofal, gofal cymdeithasol, gwasanaeth dydd neu amgylchedd cymorth tebyg yn fuddiol ond nid yn orfodol. 

Bydd yn ofynnol i ddeiliad y swydd weithio’n hyblyg o wahanol leoliadau Gwasanaeth Dydd Arbenigol, o leiaf tri diwrnod yr wythnos, yn benodol yn Aberystwyth, Llanbedr Pont Steffan ac Aberteifi, i sicrhau bod anghenion gwasanaeth yn cael eu diwallu. Gall hyn weithiau fod ar fyr rybudd. Bydd cyfleoedd hefyd i weithio gartref. 

Ein cynnig i chi: 
Rydym wedi ymrwymo i ddatblygu ein pobl a byddwn nid yn unig yn darparu cefnogaeth i’ch galluogi i gymryd perchnogaeth o feysydd cyfrifoldeb allweddol y rôl hon yn gyflym ac yn hyderus, ond yn ogystal, rydym wedi ymrwymo i gefnogi eich datblygiad er mwyn i chi allu symud ymlaen â’ch gyrfa gyda ni. 

Yn gyfnewid am eich sgiliau a’ch ymrwymiad, byddwn yn cynnig ystod o fudd-daliadau i gyflogeion, gan gynnwys gweithio hybrid, lwfans gwyliau blynyddol cystadleuol a chynllun cyfraniadau pensiwn hael.

Credwn fod cydbwysedd bywyd a gwaith yn holl bwysig. I’ch cefnogi i gyflawni hyn, bydd gennych fynediad at y buddion dewisol canlynol:

• Gweithio Hybrid: Yn amodol ar fodloni rhai amodau, gallwch ddewis gweithio o’ch cartref neu mewn swyddfa.
• Flexi-time: Gellir gweithio oriau o fewn lled band diffiniedig, o ddydd Llun i ddydd Gwener, yn amodol ar anghenion gwasanaeth.

Gellir cael mwy o wybodaeth am ein hystod eang o fuddion gweithwyr ar ein gwefan gyrfaoedd.

Disgrifiad Swydd a Manyleb Person

Pecyn Gwybodaeth Tîm Ceredigion

Cysylltwch â ni

I gael rhagor o wybodaeth, cysylltwch â: Neil Constable, Arweinydd Tîm – Cymorth Gwasanaethau Corfforaethol – neil.constable2@ceredigion.gov.uk     

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.