Yng Nghyngor Sir Ceredigion rydym yn trawsnewid y ffordd y mae unigolion, teuluoedd, cymunedau a gofalwyr yn gallu cael cymorth a chefnogaeth pan fydd ei angen arnynt.

Ein gweledigaeth yw sicrhau fod pobl yn gallu cael gafael yn hwylus ar wasanaethau cyffredinol a phenodol i ddatblygu’r sgiliau a’r gwytnwch sydd eu hangen arnynt i ddilyn bywydau llawn ac i gyflawni eu nod.  Rydym yn ceisio grymuso unigolion yn yr hyn sy’n bwysig iddyn nhw a gweithio gydag asiantaethau partner i gryfhau annibyniaeth pobl, sicrhau diogelwch a hybu lles.

Mae ein strategaeth Gydol Oes a Llesiant yn disgrifio sut y byddwn yn datblygu gweithlu medrus ac arloesol a fydd yn darparu gwasanaethau gydol oes sy’n canolbwyntio ar gymorth ataliol ac ymyriadau cynnar gyda mynediad hwylus i wybodaeth, cyngor a chymorth. Hefyd, yn asesu angen a gofal yn briodol a darparu cynlluniau cymorth i’r rheiny sydd angen cymorth mwy hirdymor.

Dysgwch fwy am ein Model Gydol Oes a Llesiant a sut mae’r timau wedi’u strwythuro ynddo yma.

Braslun o’r Tîm Canolfannau Lles

Y Gwasanaeth Canolfannau Lles yw gwasanaeth arweiniol Cyngor Sir Ceredigion ar gyfer darparu a datblygu cyfleoedd ar gyfer Gweithgarwch Corfforol.

Mae’r gwasanaeth yn cynnwys dau dîm:

• Gweithgaredd Corfforol a Chwarae
• Hybiau Lles

Gweithgarwch Corfforol a Chwarae

Mae gan y tîm Gweithgarwch Corfforol a Chwarae ddau faes penodol:

Ymyrraeth Iechyd Gweithgaredd Corfforol a Chwarae

Mae Ymyrraeth Iechyd yn darparu ystod o gyfleoedd cyffredinol a phenodol sy’n ymwneud yn bennaf ag Oedolion ac Oedolion Hŷn.  Mae Mentoriaid Ffordd o Fyw Actif cymwys iawn gan y tîm sy’n creu rhaglenni o weithgarwch wedi’i deilwra ar gyfer unigolion. Gall y rhaglen gynnwys cyfleoedd o un neu fwy o’r ymyriadau canlynol: 

• Cynllun Cenedlaethol i Atgyfeirio Cleifion i wneud Ymarfer Corff (NERS) ar gyfer unigolion sydd â Chyflyrau Cronig neu sydd mewn perygl o’u datblygu
• Cerdded er Lles
• Dosbarthiadau Sefydlogrwydd neu Sadrwydd Corfforol
• Bydis Ymarfer Corff (Oedolion ag Anableddau Dysgu)
• Ffit am Oes ( Rhaglen 60+ gynt)

Gofynion:

• Hyfforddwr Cymwys Campfa Lefel 3
• Cymhwyster Ymarferydd Ymarfer Corff i Gleifion Atgyfeirio, Diploma Lefel 3
• Wedi’i gofrestru ar Lefel 3 CIMSPA
• Cymwys o ran Cymorth Cyntaf, CPR a Diffibriliwr
• Cymwysterau Lefel 4:
• Adsefydlu yn dilyn Canser
• Adsefydlu ysgyfeintiol
• Iechyd Meddwl
• Adsefydlu yn galon Cam IV

Gweithgarwch Corfforol a Chwarae yw cangen ddatblygu’r gwasanaeth sy’n gweithio gydag amrywiaeth o bartneriaid i ddatblygu cyfleoedd cynhwysol er mwyn i bobl o bob oed fod yn gorfforol actif.  Gall y cyfleoedd hyn fod mewn lleoliadau addysgol a chymunedol a chynnwys Chwarae, Gweithgaredd Hamdden a Chwaraeon.  Dyma enghreifftiau o rai o’r ymyriadau / dulliau a ddarperir:

• Llysgenhadon Ifanc / Arweinwyr Ifanc
• Cyngor am grantiau i Sefydliadau Chwaraeon Cymunedol
• Cyngor Chwaraeon Ceredigion
• Rhaglen Teuluoedd Actif mewn partneriaeth â Dechrau’n Deg, Teuluoedd yn Gyntaf ac Adran Gofal Plant
• Ffit mewn 5
• Marciau ar fannau chwarae mewn ysgolion
• Cyfleoedd am weithgarwch corfforol allgyrsiol mewn ysgolion
• Gweithgareddau yn rhithiol drwy sianel YouTube Ceredigion Actif: Ceredigion Actif – YouTube
• Datblygu gweithgarwch cynhwysol
• Gweithgareddau Gwyliau
• Datblygu chwarae

Gofynion:

• Cymwys o ran Cymorth Cyntaf, CPR a Diffibriliwr
• Hyfforddiant uwch Arwyddion Diogelwch
• Cymwysterau Gwaith Chwarae 

Canolfannau Lles

Mae’r Hybiau Lles wedi’u rhannu’n ddwy ardal ddaearyddol: Canol a De, a’r Gogledd, ac maent yn gyfrifol am redeg yr holl gyfleusterau hamdden sy’n eiddo i’r awdurdod lleol yn yr ardaloedd hynny sydd ar hyn o bryd yn cynnwys:

Canol a De Ceredigion

• Canolfan Hamdden Aberaeron
  • Canolfan Hamdden a chae chwarae pob tywydd Aberteifi
  • Canolfan Hamdden a chae chwarae pob tywydd Llanbed
  • Pwll Nofio Llanbed
  • Cae chwarae pob tywydd Synod Inn

Gogledd Ceredigion

• Neuadd Chwaraeon Penglais
  • Canolfan Hamdden a Phwll Nofio Plascrug

Bwriad y Cyngor yw creu Canolfannau Lles ym mhob ardal ddaearyddol gan gychwyn yn ardal y Canol drwy drawsnewid Canolfan Hamdden Llanbed.

Bydd y Ganolfan Lles yn cynnwys gwasanaethau sy’n ystyried ac yn gwella’r elfennau corfforol, meddyliol a chymdeithasol sydd ynghlwm wrth les unigolyn er mwyn iddynt gyflawni eu llawn botensial. Bydd y rhain yn cynnwys gwasanaethau iechyd a lles gydol oes (gan gynnwys cymorth iechyd meddwl), cyngor am sgiliau a chyflogaeth, caledi a chymorth tai, gwasanaethau i bobl ifanc a chymorth i ofalwyr, ac ati. 

Ar hyn o bryd mae’r cyfleusterau yn cynnig y ddarpariaeth hamdden draddodiadol sy’n cynnwys y gwasanaethau canlynol:

• Sesiynau Nofio i’r Cyhoedd
• Rhaglen Dysgu Nofio
• Dosbarthiadau Ymarfer Corff
• Ystafell Ffitrwydd (cardiofasgwlaidd a phwysau)
• Cynigir pecynnau aelodaeth i gael mynediad i weithgareddau
• Gweithgareddau yn y Gwyliau
• Hyfforddiant Achubwr Bywyd a Chymorth Cyntaf
• Llogi ystafelloedd cyfarfod
• Sboncen (Canolfan Hamdden Plascrug yn unig)

Mae’r Canolfannau Lles hefyd yn cefnogi cyfleusterau’r ymddiriedolaethau cymunedol yn y sir, sef:

• Pwll Nofio Aberaeron
  • Pwll Nofio Aberteifi
  • Calon Tysul

Gofynion

• Cymhwyster Achubwr Bywyd mewn Pwll Nofio
• Cymwys o ran Cymorth Cyntaf, CPR a Diffibriliwr
• Hyfforddwr Campfa L2
• Gweithredwr offer pwll nofio
• Athro/athrawes nofio L1 / L2