Ynglŷn â'r rôl

Dim ond gweithwyr cyfredol all wneud cais am y swydd hon.

Mae hwn yn gyfle cyffrous i weithio gyda Thîm Gwaith Ieuenctid Cymunedol ac Atal Ceredigion. Bydd yr ymgeisydd llwyddiannus yn gyfrifol am lunio, datblygu a chydlynu ystod o ddulliau blaengar mewn Gwaith Ieuenctid ac Atal ar gyfer pobl ifanc 11-25 oed mewn cymuned benodol ac ar hyd a lled Ceredigion.

Bydd y prif ddyletswyddau’n cynnwys: cefnogi rhaglenni gweithgareddau strwythuredig, rhoi cefnogaeth ôl-16 h.y. ymgysylltu â’r rhai sydd mewn perygl o ddod yn bobl nad ydynt mewn addysg, cyflogaeth na hyfforddiant (NEET), rhoi cefnogaeth wedi’i lleoli mewn Canolfan h.y. Clwb/Canolfan Ieuenctid a darpariaethau galw heibio, gwaith ieuenctid datgysylltiedig/symudol, allgymorth ac mewn lleoliadau dros dro.

Bydd gan y Swyddog Prosiectau Gweithgareddau Strwythuredig gyfrifoldeb dros gynllunio, cydlynu a chyflenwi ymyraethau a chefnogaeth yn y gymuned. Bydd ganddo hefyd gyfrifoldeb dros gefnogi strategaeth y Gwasanaeth Ieuenctid wrth gyflenwi darpariaethau mynediad agored a thargededig cadarn gan gynnwys gwaith ieuenctid wedi’i leoli mewn Canolfan a rhaglenni gwyliau ar hyd a lled y sir ac mewn partneriaeth gyda rhanddeiliaid gwirfoddol a statudol allweddol.

Bydd gofyn i chi yrru bysiau mini (8-16 sedd) a bydd rhaid i chi fod yn barod i ymgymryd â’r hyfforddiant perthnasol i wneud hyn ynghyd â dal trwydded yrru lawn y DU am o leiaf 2 flynedd. 

Rydym wedi ymrwymo i ddatblygu ein pobl a byddwn nid yn unig yn darparu cymorth i’ch galluogi i gymryd perchnogaeth o feysydd cyfrifoldeb allweddol y rôl hon yn gyflym ac yn hyderus ond yn ogystal, rydym wedi ymrwymo i gefnogi eich datblygiad er mwyn i chi allu bwrw ymlaen â’ch gyrfa gyda ni.

Yn gyfnewid am eich sgiliau a’ch ymrwymiad byddwn yn cynnig ystod o fuddion i chi, gan gynnwys gweithio hyblyg, lwfans gwyliau blynyddol cystadleuol, cynllun pensiwn gyda chyfraniad cyflogwr o 14.6%, buddion teulu, arbedion ffordd o fyw a phecynnau iechyd a lles. Gellir cael mwy o wybodaeth am ein hystod eang o fuddion gweithwyr yma.

Disgrifiad Swydd a Manyleb Person

Cysylltwch â ni

Am unrhyw gwestiynau, cysylltwch â Gwenllian Morris ar 07974023898 neu gwenllian.morris@ceredigion.gov.uk  

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.