Ynglŷn â'r rôl

Gall yr ymgeisydd llwyddiannus fod yn gymwys i hyd at uchafswm o £8,000 (gan gynnwys TAW) tuag at gost y treuliau a dynnir oherwydd adleoli i Geredigion. Am fwy o wybodaeth, anfonwch e-bost at adnoddaudynol@ceredigion.gov.uk. Am fwy o wybodaeth am sir Ceredigion a’r ffordd o fyw ragorol y mae’n ei gynnig, cliciwch yma.

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Mae gan Gyngor Ceredigion hanes hir a llwyddiannus o gefnogi pobl ifanc sy’n gadael gofal. Mae gennym dîm cryf o Ymgynghorwyr Personol a Gweithwyr Cymdeithasol sy’n gweithio’n galed i gefnogi’r bobl ifanc hyn wrth iddynt droi’n oedolion. Mae symud o’r gwasanaethau plant er mwyn bod yn oedolion annibynnol yn gam pwysig i’r sawl sy’n gadael gofal.

Bydd Rheolwr y Tîm yn arwain y tîm, gan eirioli dros y bobl ifanc a chefnogi’r staff i ddarparu’r gwasanaeth.

Rhaid i Reolwr y Tîm weithio’n greadigol ac yn gydweithredol i sicrhau’r safonau uchaf posibl o fewn model Llesiant Gydol Oes Cyngor Sir Ceredigion. Bydd deiliad y rôl hon yn atebol i’r Rheolwyr Corfforaethol a bydd yn gweithio gyda’r Rheolwyr Tîm eraill i sicrhau bod y modd y rheolir y timau yn gyson fel y gallwn gyflawni’r amcanion corfforaethol ac amcanion y gwasanaethau, gan sicrhau bod yr holl wasanaethau a ddarperir yn cael eu cydlynu a’u rhoi ar waith yn effeithiol.

Er bod gan Reolwyr Tîm gyfrifoldeb penodol dros reoli eu timau a’u gwahanol feysydd, mae ganddynt hefyd gyfrifoldeb corfforaethol i sicrhau bod yr hyn a wneir o fewn eu gwasanaethau yn cael ei reoli’n gyson i gyd-fynd ag amcanion a safonau’r Cyngor. Hefyd, pan fo angen, mae’n bosibl y bydd angen i ddeiliad y rôl hon ddirprwyo dros y Rheolwyr Corfforaethol ar lefel gorfforaethol, ranbarthol a chenedlaethol.

Disgrifiad Swydd a Manyleb Person

Pecyn Gwybodaeth Tîm Ceredigion

Am ragor o wybodaeth neu i drafod y swydd hon, cysylltwch â John Callow ar John.callow@ceredigion.gov.uk

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.