Ynglŷn â'r rôl

Noder fod y cyflog a hysbysebir ar gyfer y swydd hon yn amodol ar ddyfarniad cyflog cenedlaethol 2026/2027 sydd ar ddod. Caiff y cyflog terfynol ei addasu yn unol â hynny unwaith y bydd y dyfarniad wedi’i gytuno.

Lleoliadau ar draws Ceredigion

Rydym yn chwilio am unigolion brwdfrydig ac ymroddedig i ymuno â Gwasanaeth Ieuenctid Ceredigion ar adeg gyffrous o ddatblygiad. Dyma gyfle i chwarae rhan allweddol wrth gefnogi pobl ifanc ar draws Ceredigion i ddatblygu hyder, meithrin sgiliau newydd, a manteisio ar gyfleoedd cadarnhaol yn eu cymunedau.

Y Rôl

Fel Gweithiwr Ieuenctid, byddwch yn gweithio’n uniongyrchol gyda phobl ifanc mewn amryw o leoliadau, gan feithrin perthnasoedd cadarnhaol a chreu cyfleoedd iddynt ffynnu. Byddwch yn rhan o dîm cefnogol sy’n darparu gwasanaeth ieuenctid modern sy’n canolbwyntio ar y gymuned, ac sy’n rhoi gwerth ar gynhwysiant, cyfranogiad a lles.

Amdanoch Chi

Rydym yn chwilio am bobl sydd:

• Yn angerddol am gefnogi pobl ifanc
• Yn gallu meithrin perthnasoedd cryf a chadarnhaol
• Yn frwdfrydig, hyblyg ac yn greadigol
• Yn mwynhau gweithio fel rhan o dîm
• Yn weithiwr cymorth ieuenctid neu’n weithiwr ieuenctid cymwys a phrofiadol, neu’n gallu dangos ymrwymiad i ddatblygiad gweithlu

Beth Rydym yn ei Gynnig

• Rôl werth chweil sy’n gwneud gwahaniaeth gwirioneddol i fywydau pobl ifanc
• Amgylchedd gwaith cefnogol a chydweithredol
• Cyfleoedd ar gyfer datblygu a symud ymlaen
• Trefniadau gweithio hyblyg a phecyn buddion gweithwyr cryf
• Mae mwy o wybodaeth am ein hystod eang o fuddion gweithwyr i’w gweld yma.

Disgrifiad Swydd a Manyleb Person

Pecyn Gwybodaeth Tîm Ceredigion

Am ragor o wybodaeth, cysylltwch â:

• Gwen Morris – Gwenllian.morris@ceredigion.gov.uk / 07974023898
• Gavin Witte – Gavin.witte2@ceredigion.gov.uk / 07815001647

Noder: Cedwir yr hawl i ymestyn y dyddiad cau.

Rydym wedi ymrwymo i ddiogelu ac amddiffyn plant ac oedolion sydd mewn perygl Fel rhan o’r ymrwymiad hwn, mae rhai rolau o fewn ein sefydliad yn gofyn am wiriad y Gwasanaeth Datgelu a Gwahardd (DBS) i asesu addasrwydd ymgeiswyr. Bydd y rôl hon yn gofyn am wiriad DBS Uwch. Sylwch na fydd presenoldeb euogfarnau blaenorol o reidrwydd yn anghymhwyso ymgeisydd rhag ystyriaeth ar gyfer y swydd hon. Rydym yn asesu pob ymgeisydd fesul achos, ac yn ystyried natur a pherthnasedd unrhyw euogfarnau mewn perthynas â chyfrifoldebau’r rôl. Ein nod yw creu amgylchedd gwaith cynhwysol a chefnogol lle caiff pob unigolyn ei drin yn deg a chyda pharch. Os oes gennych unrhyw bryderon neu gwestiynau am y broses hon, mae croeso i chi gysylltu â ni am eglurhad. Mae eich preifatrwydd a’ch urddas yn hollbwysig i ni drwy gydol y broses recriwtio.