Cyngor Sir Ceredigion
Neuadd Cyngor Ceredigion Penmorfa
Aberaeron
Ceredigion
SA46 0PA
Yng Nghyngor Sir Ceredigion rydym yn trawsnewid y ffordd y mae unigolion, teuluoedd, cymunedau a gofalwyr yn gallu cael cymorth a chefnogaeth pan fydd ei angen arnynt.
Ein gweledigaeth yw sicrhau fod pobl yn gallu cael gafael yn hwylus ar wasanaethau cyffredinol a phenodol i ddatblygu’r sgiliau a’r gwytnwch sydd eu hangen arnynt i ddilyn bywydau llawn ac i gyflawni eu nod. Rydym yn ceisio grymuso unigolion yn yr hyn sy’n bwysig iddyn nhw a gweithio gydag asiantaethau partner i gryfhau annibyniaeth pobl, sicrhau diogelwch a hybu lles.
Mae ein strategaeth Gydol Oes a Llesiant yn disgrifio sut y byddwn yn datblygu gweithlu medrus ac arloesol a fydd yn darparu gwasanaethau gydol oes sy’n canolbwyntio ar gymorth ataliol ac ymyriadau cynnar gyda mynediad hwylus i wybodaeth, cyngor a chymorth. Hefyd, yn asesu angen a gofal yn briodol a darparu cynlluniau cymorth i’r rheiny sydd angen cymorth mwy hirdymor.
Ar ôl gwrando ar ein trigolion, gwyddom fod darparu cymorth yn gynnar yn atal yr angen am wasanaethau mwy arbenigol ac yn osgoi argyfwng. Mae pobl am gael mynediad i’r gwasanaeth iawn ar yr adeg iawn a chael dewis a rheolaeth lle bo’n bosib, boed ar gyfer eu hunain, y teulu, gofalwyr neu’r gymuned.
Mae ein model gwasanaeth gydol oes yn cynnwys pedwar maes sy’n ymwneud â lles, cymorth a gofal:
Gwasanaethau cymorth ar-lein a thros y ffôn sy’n cynnig mynediad at wybodaeth a chymorth asesu.
Ein tîm ar gyfer cymorth cynnar gan gynnig mynediad gydol oes i wasanaethau lles cyffredinol a phenodol.
Mae Porth Cymorth Cynnar yn darparu cymorth, gwybodaeth, cyngor ac ymyrraeth gynnar a phenodol a hynny drwy ddull gydol oes ac integredig.
Nod y Gwasanaeth yw gwella elfennau o les personol, cymdeithasol, addysgol, corfforol, meddyliol ac emosiynol unigolyn a hynny drwy hyrwyddo gwytnwch, gallu ac annibyniaeth yr unigolyn a’r teulu.
Mae’r Gwasanaeth yn darparu cyngor a chymorth hwylus a phenodol. Mae’r Gwasanaeth hefyd yn gwella’r ddarpariaeth ar gyfer gweithgarwch corfforol yng Ngheredigion gan gryfhau a chynyddu sgiliau a gwybodaeth unigolion a hynny drwy gyfleoedd i wneud profiad gwaith a gwirfoddoli.
Ein porth i ofal gan gynnig cyfleusterau asesu gydol oes a chymesur ar y cyd â gwasanaethau gofal a chymorth penodol a byr-dymor.
Bydd Porth Gofal, drwy dîm integredig Gwasanaethau Brysbennu ac Asesu, yn gweithredu fel porth ar gyfer pob ymholiad gofal a ddaw o Clic, sef Canolfan Gyswllt Gwasanaethau Cwsmeriaid y Cyngor.
Os oes pryderon diogelu yn amlwg bydd y rhain yn cael eu neilltuo i Borth Cynnal. Yn ogystal, mae’r Gwasanaeth hefyd yn rhoi cymorth gydol oes ar ffurf gwasanaethau gofal wedi’u rheoleiddio, taliadau uniongyrchol, offer gofal cymunedol, maethu, gofal dydd, gofal preswyl a gwasanaethau tai.
Mae’r gwasanaeth yn cynnwys y timau canlynol:
Ein tîm ar gyfer cymorth mwy hirdymor gan gynnig gwasanaethau gofal dwys ac arbenigol, gydol oes, a gwasanaethau cymorth i unigolion a theuluoedd ag anghenion cymhleth y model.
Mae Porth Cynnal yn darparu gwasanaethau asesu a gofalu dwys ac arbenigol, gydol oes, i’r rhai sydd angen gofal a chymorth hirdymor neu gymhleth. Mae’n cynnwys gwiriadau sicrhau ansawdd ac ymyriadau statudol.
Mae’r gwasanaeth yn cynnwys y timau canlynol:
Mae dull Arwyddion Diogelwch yn sail i’r holl waith o ddarparu gwasanaethau ledled y model. Mae’n rhoi pwyslais ar feithrin cryfderau unigolion, teuluoedd a chymunedau, ac eglurder wrth nodi risgiau a niwed, gan asesu’r hyn sy’n bwysig i’r unigolyn er mwyn nodi amcanion clir o ran diogelu a lles.
Cyngor Sir Ceredigion
Neuadd Cyngor Ceredigion Penmorfa
Aberaeron
Ceredigion
SA46 0PA